தென்னாபிரிக்கா கிரிக்கெட் அணிக்கெதிரான மூன்றாவதும் இறுதியுமான டெஸ்ட் போட்டியில், விளையாடும் அவுஸ்ரேலிய அணி விபரம் அறிவிக்கப்பட்டுள்ளது.
இந்த அணியில் ஆஷ்டன் அகர் மற்றும் மெட் ரென்ஷாவை அவுஸ்ரேலியாவின் தேசிய தேர்வாளர்கள் சேர்த்துள்ளனர்.
இந்த தொடரின் போது கைவிரல் காயங்களால் மிட்செல் ஸ்டார்க் மற்றும் கேமரூன் கிரீன் இருவரும் தொடரின் இறுதிப் போட்டியில் இருந்து வெளியேற்றப்பட்டதை அடுத்து இவர்கள் அணியில் இணைத்துக் கொள்ளப்பட்டுள்ளனர்.
பெட் கம்மின்ஸ் தலைமையிலான அணியில், ஆஷ்டன் அகர், ஸ்கொட் போலண்ட், அலெக்ஸ் கேரி, மார்கஸ் ஹாரிஸ், ஜோஷ் ஹேசில்வுட், டிராவிஸ் ஹெட், உஸ்மான் கவாஜா, மார்னஸ் லாபுசாக்னே, லான்ஸ் மோரிஸ், நாதன் லியோன், மேத்யூ ரென்ஷா, ஸ்டீவ் ஸ்மித், டேவிட் வோர்னர் ஆகியோர் இடம்பெற்றுள்ளனர்.
மூன்று போட்டிகள் கொண்ட டெஸ்ட் தொடரில் முதலிரண்டு போட்டிகளிலும் அவுஸ்ரேலியா அணி, வெற்றிபெற்று முன்னிலையில் உள்ளதோடு தொடரையும் கைப்பற்றியுள்ளமை குறிப்பிடத்தக்கது.
