முன்னணி காமெடி நடிகர் யோகி பாபு நடித்துள்ள ‘பொம்மை நாயகி’ படத்தின் டிரைலர் வெளியாகி நல்ல வரவேற்பை பெற்றுள்ளது.
இப்படம் பெப்ரவரி 3ஆம் திகதி திரையரங்குகளில் வெளியாகவுள்ள நிலையில், இப்படத்தின் டிரைலர் நேற்று வெளியாகியது.
இயக்குனர் ஷான் எழுதி, இயக்கியுள்ள இப்படத்தில், குழந்தை நட்சத்திரம் ஸ்ரீமதி நடித்துள்ளார்.
இந்த படத்தில் ‘வட சென்னை’, ‘கபாலி’ போன்ற படங்களின் மூலம் பிரபலமான சுபத்ரா, ‘மெட்ராஸ்’ புகழ் ஹரி கிருஷ்ணன் ஆகியோர் முக்கிய கதாபாத்திரத்தில் நடித்துள்ளனர். இந்த திரைப்படத்திற்கு கே எஸ் சுந்தர மூர்த்தி இசையமைத்துள்ளார். அதிசயராஜ் ஒளிப்பதிவு செய்துள்ளார்.
கடலூர் கடற்கரையை மையமாக வைத்து உருவாகியுள்ள இந்த படம், ஒரு தந்தை மற்றும் மகளின் வாழ்க்கையை, சமூகம் மற்றும் அரசியல் எவ்வாறு பாதிக்கிறது என்பது பற்றியதாகும்.
