ஐ.பி.எல். ரி-20 தொடரின் 8ஆவது லீக் போட்டியில், பஞ்சாப் கிங்ஸ் அணி 5 ஓட்டங்கள் வித்தியாசத்தில் வெற்றிபெற்றது.
குவாத்தி மைதானத்தில் நேற்று (புதன்கிழமை) நடைபெற்ற இப்போட்டியில், நாணய சுழற்சியில் வெற்றிபெற்ற ராஜஸ்தான் றோயல்ஸ் அணி, முதலில் களத்தடுப்பை தீர்மானித்தது.
இதன்படி முதலில் துடுப்பெடுத்தாடிய பஞ்சாப் கிங்ஸ் அணி, நிர்ணயிக்கப்பட்ட 20 ஓவர்கள் நிறைவில் 4 விக்கெட்டுகள் இழப்புக்கு 197 ஓட்டங்களை பெற்றுக்கொண்டது.
இதனைத்தொடர்ந்து 198 என்ற வெற்றி இலக்கை நோக்கி பதிலுக்கு களமிறங்கிய ராஜஸ்தான் றோயல்ஸ் அணியால், 20 ஓவர்கள் நிறைவில் 7 விக்கெட்டுகள் இழப்புக்கு 192 ஓட்டங்களை மட்டுமே பெற முடிந்தது. இதனால், பஞ்சாப் கிங்ஸ் அணி 5 ஓட்டங்கள் வித்தியாசத்தில் வெற்றிபெற்றது.
இப்போட்டியின் ஆட்டநாயகனாக 4 விக்கெட்டுகளை வீழ்த்திய பஞ்சாப் கிங்ஸ் அணியின் நாதன் எலீஸ் தெரிவுசெய்யப்பட்டார்.
