பெண்களுக்கான உலகக் கிண்ண கால்பந்து தொடர் தற்போது விறுவிறுப்பாக இடம்பெற்று வரும் இன்று இடம்பெற்ற போட்டியில் வியட்னாம் அணியை வீழ்த்தி அமெரிக்கா வெற்றிபெற்றுள்ளது.
நியூசிலாந்தின் அக்லாந்தில் உள்ள ஈடன் பார்க்கில் நடந்த குழு ஈ பிரிவு ஆட்டத்தில் வியட்நாம் அணியை எதிர்கொண்ட அமெரிக்க பெண்கள் அணி 3-0 என்ற கோல்கள் கணக்கில் வெற்றிபெற்றது.
இப்போட்டி ஆரம்பமாகி 14 ஆவது மற்றும் 45 ஆவது நிமிடத்தில் சோபியா ஸ்மித் கோல்களை புகுத்த முதல் பாதி ஆட்டத்தில் அமெரிக்க 2-0 என முன்னிலை வகித்தது.
இதனை தொடர்ந்து 77 ஆவது நிமிடத்தில் லிண்ட்சே ஹொரன் ஒரு கோலை புகுத்தினார். இருப்பினும் இறுதிவரை போராடிய வியட்னாம் அணியால் எவ்வித கோலையும் புகுத்த முடியவில்லை.
இந்த போட்டியில் பெற்றுக்கொண்ட வெற்றியின் மூலம் குழு ஈ பிரிவில் 3 புள்ளிகளுடன் அமெரிக்கா அணி முதலிடத்தை தக்கவைத்துள்ளது.
