ஹட்டன் பொலிஸ் பிரிவுக்கு உட்பட்ட தரவளை தோட்டத்தில், கஞ்சா செடி வளர்த்த குற்றச்சாட்டில் நபரொருவரைப் பொலிஸார், நேற்றைய தினம் கைது செய்துள்ளனர்.
ஹட்டன் பொலிஸாருக்குக் கிடைத்த ரகசியத் தகவலையடுத்து குறித்த நபரின் வீட்டுப் பகுதியை சுற்றி வளைத்த பொலிஸார், அங்கு தேடுதலில் ஈடுப்பட்ட போது, அவரது பூந்தோட்டத்தில் வளர்க்கப்பட்ட இரண்டரை அடி உயரமான கஞ்சாச் செடியொன்றைக் கண்டுபிடித்துள்ளனர்.
இதனையடுத்து குறித்த நபரைக் கைது செய்த பொலிஸார் அவரை ஹட்டன் நீதவானிடம் முன்னிலைப்படுத்த நடவடிக்கை எடுத்துள்ளதாகத் தெரிவித்துள்ளனர்.
