லங்கா பிரீமியர் லீக் ரி-20 தொடரின் 12ஆவது லீக் போட்டியில், பி-லவ் கண்டி அணி, காலி டைடன்ஸ் அணிக்கு 204 ஓட்டங்களை வெற்றி இலக்காக நிர்ணயித்துள்ளது.
கண்டி பல்லேகல மைதானத்தில் நடைபெற்றுவரும் இப்போட்டியில், நாணய சுழற்சியில் வெற்றிபெற்ற அணி முதலில் காலி டைடன்ஸ் அணி முதலில் களத்தடுப்பை தீர்மானித்துள்ளது.
இதன்படி முதலில் துடுப்பெடுத்தாடிய பி-லவ் கண்டி அணி நிர்ணயிக்கப்பட்ட 20 ஓவர்கள் நிறைவில் 5 விக்கெட்டுகள் இழப்புக்கு 203 ஓட்டங்களை பெற்றுக்கொண்டது.
இதில் அணியின் அதிகப்பட்ச ஓட்டங்களாக வனிந்து ஹசரங்க 64 ஓட்டங்களையும் பகர் சமான் 45 ஓட்டங்களையும் பெற்றுக்கொண்டனர்.
காலி டைடன்ஸ் அணியின் பந்துவீச்சில், லஹிரு சமரகோன் 2 விக்கெட்டுகளையும் கசுன் ராஜித, நகராவா மற்றும் சம்ஸி ஆகியோர் தலா 1 விக்கெட்டினையும் வீழ்த்தினர்.
இன்னமும் சில நிமிடங்களில் 204 ஓட்டங்கள் என்ற வெற்றி இலக்கை நோக்கி, காலி டைடன்ஸ் அணி துடுப்பெடுத்தாட களமிறங்கவுள்ளது.
வீரர்கள் விபரம்
காலி அணியில் ஷெவோன் டேனியல், லசித் குரூஸ்புல்லே, பானுக ராஜபக்ச, டிம் சீஃபர்ட், ஷகிப் அல் ஹசன், தசுன் சா னக, அஷான் பிரியஞ்சன், லஹிரு சமரகோன், கசுன் ராஜித, ரிச்சர்ட் ங்கராவா, தப்ரைஸ் ஷம்சி ஆகியோர் இடம்பெற்றுள்ளனர்.
இதேநேரம் கண்டி அணியில் பகார் சமான், தினேஷ் சந்திமால், மொஹமட் ஹரிஸ், ஏஞ்சலோ மேத்யூஸ், ஆசிப் அலி, சஹான் ஆராச்சிகே, வனிந்து ஹசரங்க, இசுரு உதான, துஷ்மந்த சமீர, முஜீப் உர் ரஹ்மான், நுவான் பிரதீப் ஆகியோர் இடம்பெற்றுள்ளனர்.
