அமெரிக்காவின் சியோக்ஸ் நகரில் உள்ள பிரபல பல்பொருள், அங்காடியொன்றில் அண்மையில் உணவுப் பொருள் வைக்கும் கூடையில் இராட்சத பாம்பொன்று படுத்திருந்த வீடியோக் காட்சிகள் இணையத்தில் வெளியாகி பெரும் பரபரப்பை ஏற்படுத்தியுள்ளது.
சம்பவ தினத்தன்று குறித்த பல்பொருள் அங்காடிக்குப் பொருட்கள் வாங்குவதற்காக வாடிக்கையாளர் ஒருவர் சென்றுள்ளார்.
அப்போது அங்கிருந்த உணவுப் பொருட்கள் வைக்கும் கூடையொன்றை அவர் எடுக்க முற்பட்டபோது அதில் சுமார் 6 அடி நீளம் கொண்ட இராட்சத பாம்பொன்று இருப்பதைக் கண்டு அதிர்ச்சியடைந்துள்ளார்.
இதனையடுத்து இது குறித்து உடனடியாக அவர் ஊழியர்களுக்குத் தெரியப்படுத்தியுள்ள நிலையில் அவர்கள் வனத்துறை மீட்பு குழுவினருக்குத் தகவல் தெரிவித்தனர்.
இதனையடுத்து அங்கு வந்த மீட்புக்குழுவினர் குறித்த பாம்பை மீட்டுச் சென்றுள்ளனர்.
இந்நிலையில் குறித்த பாம்பு அங்கு எப்படி வந்தது தொடர்பாக விசாரணை நடைபெற்று வருவதாகத் தெரிவிக்கப்பட்டுள்ளது.
