19வயதுக்குட்பட்ட மேற்கிந்திய தீவுகள் அணி, இலங்கைக்கு கிரிக்கெட் சுற்றுப்பயணம் மேற்கொண்டு மூன்று போட்டிகள் கொண்ட ஒருநாள் தொடர் மற்றும் இரண்டு- நான்குநாள் போட்டிகளில் விளையாடவுள்ளது.
இந்த வார இறுதியில் இலங்கை வரும் 19வயதுக்குட்பட்ட மேற்கிந்திய தீவுகள் அணி, எதிர்வரும் 25ஆம் திகதி கொழும்பு கிரிக்கெட் கழக மைதானத்தில் நடைபெறும் முதல் பயிற்சி போட்டிகளில் விளையாடுகின்றது.
இதனைத்தொடர்ந்து, 27ஆம், 30ஆம் மற்றும் செப்.1ஆம் திகதிகளில் முறையே தம்புள்ளை ரன்கிரி மைதானத்தில் மூன்று ஒருநாள் போட்டிகள் நடைபெறுகின்றன.
இதையடுத்து செப்டம்பர் 5-8ஆம் திகதிகளில் முதல் நான்குநாள் போட்டியும் செப்டம்பர் 12-15ஆம் திகதிகளில் இரண்டாவது நான்குநாள் போட்டியும் நடைபெறுகின்றன.
