இலங்கையில் உள்ள தொழில்சார் ஊடகவியலாளர்களுக்கும் சர்வதேச ஊடகவியலாளர் கூட்டமைப்பின் ஆசிய பணிப்பாளருக்கும் இடையில் இன்று கொழும்பில் உள்ள ‘Rainbow Institute‘ யில் கலந்துரையாடலொன்று இடம்பெற்றது.
தொழில்சார் ஊடகவியலாளர் சங்கத்தின் செயலாளர் நாயகம் தர்மசிறி லங்கா பேலி தலைமையில் இந்நிகழ்வு இடம்பெற்றது.
இதன்போது அவுஸ்ரேலியாவில் இருந்து வருகை தந்த சர்வதேச ஊடகவியலாளர்கூட்டமைப்பின் ஆசிய பணிப்பாளர் ஜெயின் வோர்திங்ஷனிடம் ,ஊடகவியலாளார் எதிர்நோக்கும் பிரச்சனை தொடர்பாக பல விடயங்கள் முன்வைக்கப்பட்டன.
குறிப்பாக அண்மைகாலமாக வட கிழக்கு மாகாணங்களில் உள்ள ஊடகவியலாளர்கள் எதிர்நோக்கும் பிரச்சனை மற்றும், அச்சுறுத்தல் தொடர்பாகவும் அவரது கவனத்திற்கு கொண்டு செல்லப்பட்டுள்ளன.
இதன்போது மட்டக்களப்பு மாவட்டத்தில் இடம் பெற்று வரும் ஊடக அடக்குமுறை மற்றும், ஊடகவியலாள உயிர் அச்சுறுத்தல் தொடர்பாகவும், ஊடகவியலாளர் சசி புண்ணியமூர்த்தி அறிக்கை ஒன்றை வழங்கியிருந்தார்.
குறித்த அறிக்கையில் ஊடகவியலாளர்களின் பாதுகாப்பை உறுதிப்படுத்துமாறும் , படுகொலை செய்யப்பட்ட ஊடகவியலாளர்கள் குறித்து சர்வதேச விசாரணைகளை மேற்கொள்ள வேண்டும் எனவும் அவர் வலியுறுத்தியிருந்தார்.
@athavannews சர்வதேச ஊடகவியலாளர் கூட்டமைப்பிடம் முறைப்பாடு! #International#complaint#news
