இந்தோனேஷியாவில் நடைபெற்றுவரும் 17வயதுக்குட்பட்ட உலகக்கிண்ண கால்பந்துத் தொடரின் இரண்டாவது அரையிறுதிப் போட்டியில், பிரான்ஸ் அணி வெற்றிபெற்று இறுதிப் போட்டிக்கு முன்னேறியுள்ளது.
இரண்டாவது அரையிறுதிப் போட்டியில், 17வயதுக்குட்பட்ட பிரான்ஸ் அணியும், மாலி அணியும் பலப்பரீட்சை நடத்தின.
இப்போட்டியில் பிரான்ஸ் அணி, 2-1 என்ற கோல்கள் கணக்கில் வெற்றிபெற்று இறுதிப் போட்டிக்கு முன்னேறியது.
இதன்படி, எதிர்வரும் டிசம்பர் 2ஆம் திகதி நடைபெறவுள்ள சம்பியன் கிண்ணத்துக்கான இறுதிப் போட்டியில், பிரான்ஸ் அணி, ஜேர்மனி அணியை எதிர்கொள்ளவுள்ளது.
இதனிடையே, மூன்றாவது இடத்திற்கான போட்டியில், நாளை, அர்ஜெண்டீனா அணியும் மாலி அணியும் மோதுகின்றன.
