நாட்டில் கடந்த 24 மணித்தியாலங்களில் முன்னெடுக்கப்பட்ட பொலிஸாரின் விசேட சோதனை நடவடிக்கைகளில், போதைப்பொருள் உள்ளிட்ட குற்றச் செயல்களுடன் தொடர்புடைய 995 பேர் கைது செய்யப்பட்டுள்ளனர்.
இவர்களில் 39 சந்தேக நபர்கள் விளக்கமறியல் உத்தரவின்படி, விசாரணைகளுக்கு உட்படுத்தப்பட்டுள்ளதாகவும் தெரிவிக்கப்பட்டுள்ளது.
இந்நிலையில், 435 கிராம் ஹெரோயின், 261 கிராம் ஐஸ், 2 கிலோ 946 கிராம் கஞ்சா, 58 ஆயிரத்து 234 கஞ்சா செடிகள், 12 கஞ்சா சுரட்டு, 3 கிலோ 903 கிராம் மாவா, 448 கிராம் தூள், 118 கிராம் ஏஷ், மற்றும் ஆயிரத்து 403 போதை மாத்திரைகள் என்பன கைப்பற்றப்பட்டுள்ளன.
இதேவேளை பொலிஸாரின் விசேட சோதனை நடவடிக்கைகளில், போதைப்பொருள் வியாபாரிகளின் ஆடம்பர வாகனங்கள் மற்றும் சொத்துக்கள் சட்டவிரோத சொத்துக்கள் விசாரணைப் பிரிவினரால் பறிமுதல் செய்யப்பட்டுள்ளமையும் குறிப்பிடத்தக்கது
