தமிழகத்தின் பல்வேறு மாவட்டங்களில் தொடர்மழை பெய்துவரும் நிலையில், மக்களின் பாதுகாப்பை உறுதி செய்ய தமிழக அரசாங்கம் நடவடிக்கை எடுக்க வேண்டும் என டிடிவி தினகரன் கோரிக்கை விடுத்துள்ளார்.
கடந்த டிசம்பர் மாதம் ஏற்பட்ட மழை வெள்ளத்தால் வாழ்வாதாரத்தை இழந்த சென்னை மற்றும் தென்மாவட்ட மக்கள், அந்த பாதிப்பிலிருந்து மீண்டு வருவதற்குள் மீண்டும் கனமழை பெய்யத் தொடங்கியுள்ளது.
இந்த நிலையில் மக்களின் பாதுகாப்பை உறுதி செய்யுமாறு கோரிக்கை விடுத்து அமமுக பொதுச்செயலாளர் டிடிவி தினகரன் அறிக்கை ஒன்றினை வெளியிட்டுள்ளார்.
மழையால் ஏற்படும் பாதிப்புகளை முன்கூட்டியே கணித்து தகுந்த நடவடிக்கைகளை மேற்கொள்ள வேண்டும் என்றும் கேட்டுக்கொண்டுள்ளார்.
அத்தோடு இந்த காலத்தில் பரவக்கூடிய நோய்த்தொற்றுகளில் இருந்து மக்களை பாதுகாக்க நடவடிக்கை எடுக்குமாறும் டிடிவி தினகரன் தமிழக அரசாங்கத்திடம் வலியுறுத்தியுள்ளார்.
