வெளிநாட்டுக் கடனை மறுசீரமைப்பது தொடர்பாக எதிர்வரும் 2 மாதங்களில் கொள்கை உடன்படிக்கையை எட்ட முடியும் என இலங்கை மத்திய வங்கியின் ஆளுநர் கலாநிதி நந்தலால் வீரசிங்க தெரிவித்துள்ளார்.
இலங்கை மத்திய வங்கியின் வருடாந்த கொள்கை அறிக்கையை இன்று (புதன்கிழமை) சமர்ப்பித்து உரையாற்றும் போதே ஆளுநர் இதனைத் தெரிவித்துள்ளார்.
இதேவேளை பயன்பாட்டுத் துறையின் செலவு – பிரதிபலிப்பு, விலை நிர்ணயம், அரசாங்கத்திற்கு சொந்தமான பெட்ரோலியக் கூட்டுத்தாபனம் மற்றும் மின்சார வாரியத்தால் செயல்படுத்தப்படுகின்றமை கடந்த ஆண்டு அரசாங்கத்தால் அறிமுகப்படுத்தப்பட்ட முக்கியமான சீர்திருத்தங்கள் ஆகும்.
ஏனைய விடயமான இறையாண்மை கடன் நெருக்கடியைத் தீர்ப்பதற்கான நடவடிக்கைகள் ஆகும். கடந்த ஆண்டு ஓகஸ்ட்-செப்டம்பர் மாதங்களில், உள்நாட்டு கடன் மறுசீரமைப்பு திட்டம் வெற்றிகரமாக முடிக்கப்பட்டது.
இதேவேளை கடன் வழங்குநர்கள் மற்றும் வணிகக் கடன் வழங்குநர்களுடன் சிறப்பான கலந்துரையாடல்கள் தொடர்கின்றதுடன் அடுத்த இரண்டு மாதங்களில் கூடிய விரைவில் கொள்கை உடன்பாடு எட்டப்படும் என்று நம்பப்படுகிறது எனவும் அவர் குறிப்பிட்டுள்ளார்
