தெலுங்கானா மற்றும் புதுவை மாநில ஆளுநராகப் பதவி வகிக்கும் தமிழிசை சவுந்தரராஜன் தனது பதவியில் இருந்து இராஜினாமா செய்வதாக ஜனாதிபதிக்குக் கடிதம் எழுதியுள்ளார்.
நாடாளுமன்ற தேர்தலுக்கான திகதி அறிவிக்கப்படவுள்ள நிலையிலேயே அவர் இவ்வாறு பதவி விலகப் போவதாக அறிவித்துள்ளார்.
அந்தவகையில் கன்னியாகுமரி, நெல்லை, தூத்துக்குடி ஆகியவற்றில் ஏதாவது ஒரு நாடாளுமன்ற தொகுதியில் தமிழிசை சவுந்தரராஜன் பா.ஜ.க சார்பில் போட்டியிடலாம் எனக் கூறப்படுகிறது.
கடந்த 2019-ஆம் ஆண்டு நாடாளுமன்ற தேர்தலில் தூத்துக்குடி தொகுதியில் கனிமொழியை எதிர்த்து தமிழிசை சவுந்தரராஜன் போட்டியிட்டார்.
இதில் தோல்வி அடைந்த தமிழிசை சவுந்தரராஜன், அதே ஆண்டு செப்டம்பர் 1 ஆம் திகதி தெலுங்கானா ஆளுநராக நியமிக்கப்பட்டார் என்பது குறிப்பிடத்தக்கது.
