நடிகர் விஜய்யின் தீவிர ரசிகர் ஒருவர், விஜய்க்காக 10 ஆயிரம் வரிகளில் கவிதை எழுதி உலக சாதனை படைத்துள்ளார்.
திருப்பத்தூரை சேர்ந்த கதிர் (30) என்ற இளைஞரே குறித்த சாதனையைப் படைத்துள்ளார். இவர் 16ஆம் திகதி காலை 11 மணிக்கு ஆரம்பித்து 17 ஆம் திகதி இரவு 11 மணி வரை மொத்தமாக 36 மணி நேரத்தில் சுமார் 10 ஆயிரம் வரிகள் அடங்கிய ஒரு முழு கவிதையை எழுதியுள்ளார்.
இவர் கேரள மாநிலம் பாலாக்காடு பகுதியில் இயங்கி வரும் யுனிவர்சல் அச்சீவர் புக் ஆப் ரெக்கார்ட் மற்றும் ப்யூச்சர் கலாம் புக் ஆப் ரெக்கார்ட் ஆகிய நிறுவனங்களின் தலைமையில் குறித்த சாதனையை நிகழ்த்தியுள்ளார்.
இதனையடுத்து கதிருக்கு குறித்த நிறுவனங்களால் இரண்டு விருதுகள் மற்றும் சான்றிதழ்கள் வழங்கப்பட்டுள்ளதாகத் தெரிவிக்கப்பட்டுள்ளது.
இந்நிலையில் கதிரின் சாதனையை விஜய்யின் ரசிகர்கள் கொண்டாடி வருகின்றனர்.
