பாகிஸ்தானின் முன்னாள் வேகப்பந்து வீச்சாளர் வசிம் அக்ரம், உலகக் கிண்ணத்தை இலக்காகக் கொண்ட இரண்டு நாள் பயிற்சி நிகழ்ச்சிகளுக்கு தலைமை தாங்குவதற்காக இலங்கை வந்தடைந்துள்ளார்
இந்த நிகழ்ச்சித் தொடர் இலங்கையின் தேசிய மட்ட வீரர்கள், தேசிய வேகப்பந்து வீச்சாளர், மேம்பட்ட திறமை நிலையத்தின் பயிற்சியாளர்கள் மற்றும் முக்கிய கழகங்களுக்கிடையிலான விளையாட்டு அணிகளின் பயிற்றுவிப்பாளர்களை இலக்காகக் கொண்டதுடன், இதன் கீழ் 5 பயிற்சி அமர்வுகளும் திட்டமிடப்பட்டுள்ளன.
இந்தத் தொடர் நிகழ்ச்சிகள் இன்று ஆரம்பமாகவுள்ளதுடன், உலகக் கிண்ணத் தொடருக்கான இலங்கை அணியின் தயாரிப்பு நடவடிக்கைகளில் வசிம் அக்ரம் கவனம் செலுத்துவார் என இலங்கை கிரிக்கெட் நிறுவனம் உத்தியோகபூர்வமாக அறிவித்துள்ளது.
