”ஐக்கிய மக்கள் சக்திக்கு மக்கள் ஆதரவு உள்ளது” என நாடாளுமன்ற உறுப்பினர் ரோஹண பண்டார தெரிவித்துள்ளார். இது குறித்து அவர் மேலும் தெரிவித்துள்ளதாவது நாட்டை கட்டியெழுப்புவதற்கான வேலைத்திட்டங்களையே நாம் முன்னெடுத்துள்ளோம்.
ஸ்ரீலங்கா சுதந்திரக்கட்சியின் பிரதேச சபை உறுப்பினர்கள் இருவர் இன்று எம்முடன் இணைந்துள்ளனர்.பொதுஜன பெரமுனவினர் அநுராதபுரம் பகுதியில் பாரிய கூட்டம் ஒன்றை ஏற்பாடு செய்திருந்தனர். ஆனால் அந்த மாநாடு தோல்வியடைந்துள்ளமை தெளிவாகின்றது.
பொதுஜன பெரமுனவுக்கு இன்று மக்கள் ஆதரவு இல்லை. இந்த நாட்டின் பொருளாதாரத்தை வீணடித்தவர்களிடம் மீண்டும் மக்கள் நாட்டை ஒப்படைக்க மாட்டார்கள். சஜித் பிரேமதாச தலைமையிலான குழுவினராலேயே இந்த நாட்டை பொருளாதார ரீதியில் கட்டியெழுப்ப முடியும். இன்று பொருளாதார கொள்கைதிட்டம் தொடர்பாக விவாதத்தில் பங்கேற்க தயங்கும் அநுரகுமார தலைமையிலான தேசிய மக்கள் சக்திக்கு மக்கள் ஒரு போதும் வாக்களிக்க மாட்டார்கள்” இவ்வாறு ரோஹண பண்டார தெரிவித்துள்ளார்.
