ஆந்திராவில் இரு லொறிகள் மோதி விபத்துக்குள்ளானதில் 6 பேர் உயிரிழந்துள்ளதுடன், ஐவர் படுகாயமடைந்துள்ளதாக அந் நாட்டு செய்திகள் தெரிவிக்கின்றன.
ஆந்திர மாநிலம் கிருஷ்ணா மாவட்டத்திலிருந்து மீனவர்களை ஏற்றிக்கொண்டு, பந்துமல்லி நோக்கி பயணித்துக் கொண்டிருந்த லொறியை, கென்டனயர் வாகனமொன்று முந்திச்செல்ல முற்பட்டத்தில் இந்த விபத்து இடம்பெற்றுள்ளது.
அதன்படி, கிருஷ்ணா மாவட்டம், சீதனப்பள்ளி தேசிய நெடுஞ்சாலையில் மீனவர்களுடன் பயணித்துகொண்டிருந்த குறித்த லொறியை, அதே வழியில் பயணித்த கன்டெய்னர் ரக வாகனம் முந்திச் செல்ல முயற்சித்துள்ளது.
இதன்போது, மீனவர்களை ஏற்றி சென்ற லொறியை, கென்டனயர் வாகனம் அதிபயங்கரமாக மோதியதில் இந்த விபத்து நேர்ந்ததாக குறிப்பிடப்படுகின்றது.
இந்த கோர விபத்தில் 5 மீனவர்கள் சம்பவ இடத்திலேயே உயிரிழந்துள்ளதாக தெரிவிக்கப்படுகின்றது.
விபத்தையடுத்து சம்பவ இடத்திற்கு விரைந்துச் சென்ற பொலிஸார் மீட்பு நடவடிக்கையில் ஈடுபட்டுள்ளனர்.
விபத்தில் பலத்த காயமடைந்த மற்றொரு நபர் வைத்தியசாலைக்கு அழைத்துச் செல்லும் வழியிலேயே உயிரிழந்துள்ளதாக குறிப்பிடப்படுகின்றது.
அதன்படி, இந்த விபத்தில் உயிரிழந்தவர்கள் எண்ணிக்கை 6 ஆக அதிகரித்துள்ளது.
இதேவேளை, படுகாயமடைந்துள்ள ஐவரும் தீவிர சிகிச்சை பிரிவில் சிகிச்சை பெற்றுவரும்நிலையில், அவர்களின் நிலைமையும் கவலைக்கிடமாக இருப்பதனால், உயிரிழப்புக்களின் எண்ணிக்கை மேலும் அதிகரிக்கக்கூடும் என அஞ்சப்படுகின்றது.
