இலங்கை பொலிஸ் திணைக்களம் இலங்கை சுங்க திணைக்களத்துடன் புரிந்துணர்வு ஒப்பந்தத்தில் கைச்சாத்திட்டுள்ளது.
இந்த புரிந்துணர்வு ஒப்பந்தத்தில் பொலிஸ் மா அதிபர் தேஷபந்து தென்னகோன் இன்று பொலிஸ் தலைமையகத்தில் வைத்து குறித்த ஒப்பந்தத்தில் கைச்சாத்திட்டிருந்தார்.
அதன்படி விசாரணை நோக்கங்களுக்காக அரசாங்க நிறுவனங்களுக்கும் பொலிஸாருக்கும் இடையில் தொடர்புடைய தகவல்களைப் பரிமாறிக்கொள்வதை எளிதாக்கும் நோக்கத்துடன் குறித்த ஒப்பந்தம் செய்யப்பட்டுள்ளது.
மேலும் கடற்றொழில் மற்றும் நீரியல் வள அமைச்சு, தொலைத்தொடர்பு ஒழுங்குமுறை ஆணைக்குழு, மத்திய சுற்றாடல் அதிகாரசபை மற்றும் திணைக்களம் போன்ற அரச நிறுவனங்களின் தலைவர்களுடன் இலங்கை பொலிஸ் திணைக்களம் கடந்த மாதத்தில் பல ஒப்பந்தங்களில் கைச்சாத்திட்டுள்ளமையும் குறிப்பிடத்தக்கது.
