சோமாலியாவில் இடம்பெற்ற தற்கொலை கார்குண்டுத்தாக்குதலில் 32 பேர் உயிரிழந்துள்ளதுடன் மேலும் பலர் காயமடைந்துள்ளனர்
சோமாலிய தலைநகர் மொகாடிசுபகுதியில் இன்று இந்த சம்பவம் இடம்பெற்றுள்ளது
சோமாலிய தலைநகரில் கடற்கரையோரத்தை அண்மித்து மக்கள் நடமாட்டம் அதிகமுள்ள பகுதியில் இன்று இந்த தாக்குதல் மேற்கொள்ளப்பட்டுள்ளதாக சர்வதேச ஊடகங்கள் தெரிவித்துள்ளன.
தாக்குதலில் சுமார் 63 பேர் காயமடைந்துள்ளதாகவும், அவர்களில் சிலரின் நிலை கவலைக்கிடமாக உள்ளமையினால் உயிரிழப்புக்களின் எண்ணிக்கை மேலும் அதிகரிக்க கூடும் என அச்சம் வெளியிடப்பட்டுள்ளது
சோமாலியாவின் தெற்கு மற்றும் மத்திய பகுதியைக் கட்டுப்படுத்தும் நோக்கில் அல்-ஷபாப் போராளிகள் தொடர் தாக்குதல்களை முன்னெடுத்துவருகின்றனர்
இந்த நிலையில் அல்-ஷபாப் கிளர்ச்சியாளர்களினால் குறித்த தாக்குதல் மேற்கொள்ளப்பட்டிருக்க கூடும் என சந்தேகம் வெளியிடப்பட்டுள்ளது
சோமாலியாவில்அல்-ஷபாப் கிளர்ச்சியாளர் குழு அல்-கொய்தா அமைப்புடன் இணைந்து சுமார் 20 ஆண்டுகளாக கொடூரமான தாக்குதல்களை முன்னெடுத்துவருவதாக சர்வதேச ஊடகங்கள் சுட்டிக்காட்டியுள்ளன.
