பாகிஸ்தானின் பலுசிஸ்தானில் கடந்த சில நாட்களாக பெய்து வரும் தொடர் மழை காரணமாக 11 குழந்தைகள் உட்பட 22 பேர் உயிரிழந்துள்ளதாக வெளிநாட்டு ஊடகங்கள் செய்தி வெளியிட்டுள்ளன.
இந்த அனர்த்தம் காரணமாக மேலும் 13 பேர் காயமடைந்துள்ளதாக மாகாண பேரிடர் மேலாண்மை ஆணையம் தெரிவித்துள்ளது.
இதேவேளை, மழையினால் 5,448 பேர் பாதிக்கப்பட்டுள்ளதாகவும், 158 வீடுகள் சேதமடைந்துள்ளதாகவும் தகவல்கள் தெரிவிக்கின்றன.
மேலும், 102 ஏக்கர் விவசாய நிலங்களும், 35 கிலோமீற்றர் வீதிகளும் திடீர் வெள்ளத்தினால் அழிந்துள்ளதாகவும், கடும் மழை காரணமாக 7 பாலங்கள் சேதமடைந்துள்ளதாகவும், 131 விலங்குகள் உயிரிழந்துள்ளதாகவும் ஊடகங்கள் மேலும் தெரிவிக்கின்றன.
