கொழும்பு, பத்தரமுல்ல – இசுருபாயவில் அமைந்துள்ள கல்வி அமைச்சுக்கு அருகில் அபிவிருத்தி உத்தியோகத்தர்களினால் முன்னெடுக்கப்பட்ட போராட்டத்தை பொலிஸார் கலைக்க முற்பட்டதால் இன்று பிற்பகல் பதற்றமான சூழ்நிலை ஏற்பட்டது.
இதன்போது, மூன்று போராட்டக்காரர்கள் கைது செய்யப்பட்டதாகவும், இரு பொலிஸ் உத்தியோகத்தர்கள் காயமடைந்ததாகவும் தெரிவிக்கப்படுகிறது.
ஆசிரியர் சேவையில் நிரந்தர பதவிகளை வழங்குமாறு கோரியே போராட்டக்கார்கள் ஆர்ப்பாட்டத்தில் ஈடுபட்டனர்.
அபிவிருத்தி உத்தியோகத்தர்களின் ஆர்ப்பாட்டம் காரணமாக கல்வி அமைச்சுக்கு முன்பாக கொட்டாவை – பொரளை வீதி (174 பஸ் பாதை) போக்குவரத்து முன்னதாக பாதிக்கப்படடமையும் குறிப்பிடத்தக்கது.
