பிரித்தானியாவில் கிறிஸ்துமஸ் அல்லது புத்தாண்டு கொண்டாட்டங்களுக்காக விமானத்தில் பயணம் செய்பவர்கள் தடை செய்யப்பட்ட பொருட்களை கொண்டுவருவதை தவிர்க்க வேண்டும் என அறிவிக்கப்பட்டுள்ளது.
இவ்வாறு தடை செய்யப்பட்ட பொருட்களை கொண்டு வருவதால் அநாவசியமாக விமான நிலையத்தில் தாமதத்தை சந்திக்க நேரிடும் என்றும் தெரிவிக்கப்பட்டுள்ளது.
அதன்படி வெடிமருந்துள்ள பட்டாசுகள், எளிதில் எரியக்கூடிய அல்லது தீப்பற்றக்கூடிய பொருட்கள் மற்றும் பார்ட்டி பொப்பர்கள்(party poppers) இவ்வாறு தடை செய்யப்பட்டுள்ளது.
மேலும், விமானத்தில் செல்லும் போது, பொதிசெய்யப்பட்ட பரிசுப்பொருட்கள், பொம்மை துப்பாக்கிகள், நீர் கைத்துப்பாக்கிகள் மற்றும் ஆயுதங்களைப் போல தோற்றமளிக்கும் பொம்மைகள் ஆகியவற்றை கொண்டு செல்வதற்கும் தடை செய்யப்பட்டுள்ளன.
