மலையக பகுதிகளில் அதிகாலை முதல் இடி, மின்னலுடன் கூடிய கனமழை பெய்து வருவதனால், நுவரெலியா-உடப்புஸ்ஸல்லாவ பிரதான வீதியில் போக்குவரத்து பாதிக்கப்பட்டுள்ளதாக நுவரெலியா மாவட்ட அனர்த்த முகாமைத்துவப் பிரிவு தெரிவித்துள்ளது.
பிரதான வீதியில் மண்சரிவுகள் மற்றும் வெள்ளப்பெருக்கு ஏற்பட்டுள்ளதால் போக்குவரத்து முற்றிலும் பாதிக்கப்பட்டுள்ளது.
அத்துடன் வீதி வெள்ளத்தில் மூழ்கியதாலும், மண் மேடுகள் இடிந்து விழுந்ததாலும் போக்குவரத்து பாதிக்கப்பட்டதால், அந்தப் பகுதியிலிருந்து நுவரெலியாவுக்குச் செல்லும் பாடசாலை மாணவர்கள் மீண்டும் தங்கள் வீடுகளுக்குத் திரும்பியுள்ளனர்.
மேலும் பெய்து வரும் கனமழை காரணமாக காசல்ரீ நீர்த்தேக்கத்தின் நீர்மட்டம் வேகமாக உயர்ந்து வருவதாக தெரிவிக்கப்படுகின்றது.
