2025 சாம்பியன்ஸ் டிராபியை வென்ற இந்திய அணிக்கு இந்திய கிரிக்கெட் கட்டுப்பாட்டு வாரியம் (BCCI) ₹58 கோடி ரூபா பரிசுத் தொகையை அறிவித்துள்ளது.
மார்ச் 9 அன்று, துபாய் சர்வதேச கிரிக்கெட் மைதானத்தில் நடந்த இறுதிப் போட்டியில் மிட்செல் சாண்ட்னரின் நியூசிலாந்தை வீழ்த்தி ரோஹித் சர்மாவின் வீரர்கள் பட்டத்தை வென்றனர்.
2002 மற்றும் 2013 க்குப் பிறகு சாம்பியன்ஷிப் வரலாற்றில் இந்தியா வெல்லும் மூன்றாவது பட்டமாகும் இது.
இந்த நிலையில் அறிவிக்கப்பட்டுள்ள பரிசுத் தொகை குறித்து கருத்து வெளியிட்டுள்ள BCCI தலைவர் பின்னி,
தொடர்ச்சியாக ஐசிசி பட்டங்களை வெல்வது சிறப்பு வாய்ந்தது, மேலும் இந்த வெகுமதி உலக அரங்கில் இந்திய அணியின் அர்ப்பணிப்பு மற்றும் சிறப்பை அங்கீகரிக்கிறது.
இந்த ரொக்க விருது, வெற்றிக்கு பின்னால் அனைவரும் செய்யும் கடின உழைப்புக்கான அங்கீகாரமாகும்.
ஐசிசியின் U-19 மகளிர் உலகக் கிண்ண வெற்றியைத் தொடர்ந்து, 2025 ஆம் ஆண்டில் இது எங்களுக்கு கிடைத்த இரண்டாவது ஐசிசி கிண்ணமாகும்.
மேலும், இது நம் நாட்டில் நடைமுறையில் உள்ள வலுவான கிரிக்கெட் சூழலை எடுத்துக்காட்டுகிறது என்று கூறினார்.
2025 சாம்பியன்ஸ் டிராபியில் ஷுப்மான் கில் தனது எட்டாவது ஒருநாள் சதத்தை அடித்த பின்னர், வங்கதேசத்திற்கு எதிரான போட்டியில் ஆறு விக்கெட் வித்தியாசத்தில் இந்தியா முதல் வெற்றியை பெற்றது.
அதன் பிறகு, துபாயில் நடந்த போட்டியில், பரம எதிரியான பாகிஸ்தானை ஆறு விக்கெட் வித்தியாசத்தில் வீழ்த்தியது.
விராட் கோலியின் 51 ஆவது ஒருநாள் சதம், 242 ஓட்டங்களை எளிதாக துரத்த இந்தியாவுக்கு உதவியது.
ராவல்பிண்டியில் வங்கதேசத்திற்கு எதிரான போட்டியில் நியூசிலாந்து அணி வெற்றி பெற்றதன் மூலம், இந்தியா அரையிறுதிக்கு தகுதி பெற்றது.
நியூஸிலாந்துக்கு எதிரான கடைசி மற்றும் இறுதி லீக் போட்டியில், வருண் சக்ரவர்த்தியின் ஐந்து விக்கெட்டுகளும், ஷ்ரேயாஸ் ஐயரின் 79 ஓட்டங்களும் இந்திய அணியை குழு நிலை ஆட்டத்தில் மூன்று வெற்றிகளுடன் அட்டவணையில் முதலிடத்தை பிடிக்க உதவியது.
அரையிறுதியில், விராட் கோலி 84 ஓட்டங்கள் எடுத்தார், இந்தியா அவுஸ்திரேலியாவை நான்கு விக்கெட் வித்தியாசத்தில் வீழ்த்தி, 2013 மற்றும் 2017 ஆம் ஆண்டுகளில் சாம்பியன்ஸ் டிராபி இறுதிப் போட்டிக்கு தொடர்ச்சியாக மூன்று முறை முன்னேறியது.
இறுதிப் போட்டியில், இந்தியா கடுமையாகப் போராட வேண்டியிருந்தது, ஆனால் ரோஹித் சர்மா தலைவராக முன்னேறி, 76 ஓட்டங்களை எடுத்து, நியூஸிலாந்து அணியை நான்கு விக்கெட் வித்தியாசத்தில் தோற்கடிக்க உதவினார்.
ஐந்து போட்டிகளில் இருந்து 79.41 சராசரியாக 243 ஓட்டங்கள் எடுத்த ஷ்ரேயாஸ் ஐயர், போட்டியில் இந்தியாவின் சிறப்பான துடுப்பாட்ட வீரராக இருந்தார்.
மொஹமட் ஷமி மற்றும் சக்ரவர்த்தி ஆகியோர் தலா ஒன்பது விக்கெட்டுகளுடன் தொடரில் இந்தியா சார்பில் அதிக விக்கெட்டுகளை வீழ்த்தியவர்கள்.
