ஐபிஎல் 2025 தொடரின் 2வது போட்டி ஐதராபாத்தில் உள்ள ராஜீவ்காந்தி மைதானத்தில் தற்போது நடைபெற்று வருகின்றது. இதில் ராஜஸ்தான் ரோயல்ஸ்- சன்ரைசர்ஸ் ஐதராபாத் அணிகள் பலப்பரீட்சை நடத்துகின்றன.
இப்போட்டியில் நாணயச் சுழற்சியில் வெற்றி பெற்ற ராஜஸ்தான் ரோயல்ஸ் அணி முதலில் பந்து வீச்சைத் தெரிவு செய்தது.
இதனையடுத்து களமிறங்கிய சன்ரைசர்ஸ் ஐதராபாத் அணியின் ஆரம்ப துடுப்பாட்ட வீரர்களான அபிஷேக் சர்மா, மற்றும் டிராவிஸ் ஹெட் ஆரம்பம் முதலே அதிரடியாக துடுப்பெடுத்தாடினர். இதன் காரணமாக பவர்பிளே முடிவில் ஐதராபாத் 94 ஓட்டங்களைக் குவித்தது.
இதனையடுத்து சிறப்பாக துடுப்பெடுத்தாடிய டிராவிஸ் ஹெட் அரை சதமடித்து 67 ஓட்டங்களைப் பெற்று ஆட்டமிழந்தார். அவரைத் தொடர்ந்து அபிஷேக் சர்மா 24 ஓட்டங்களையும், நிதிஷ் ரெட்டி 30 ஓட்டங்களையும், கிளாசன் 34 ஓட்டங்களையும் அணிக்காகப் பெற்றுக் கொடுத்தனர்.
இப்போட்டியில் ஆரம்பம் முதல் அதிரடியாக விளையாடிய இஷான் கிஷன் 45 பந்துகளில் 6 சிக்சர், 10 பவுண்டரி உட்பட சதமடித்து அசத்தினார்.
இறுதியில், ஐதராபாத் அணி 20 ஓவரில் 6 விக்கெட்டுக்கு 286 ஓட்டங்களைக் குவித்தது. இஷான் கிஷன் 106 ஓட்டங்களுடன் ஆட்டமிழக்காமல் உள்ளார் என்பதும் குறிப்பிடத்தக்கது.
