சிவகார்த்திகேயன் நடித்த ‘பராசக்தி’ படம் வரும் 10ஆம் திகதி வெளியாக உள்ள நிலையில் படத்தின் ட்ரெய்லர் நேற்றையதினம் வெளியாகியுள்ள நிலையில் 25 மில்லியன் பார்வைகளை கடந்துள்ளது.
இயக்குனர் சுதா கொங்கரா இயக்கத்தில் சிவகார்த்திகேயன் ‘பராசக்தி’ படத்தில் நடித்துள்ளார்.
இவருடன் அதர்வா, ஸ்ரீலீலா, ரவி மோகன் ஆகியோர் முக்கிய கதாபாத்திரங்களில் நடித்துள்ளனர்.
இப்படத்துக்கு ஜி. வி. பிரகாஷ் குமார் இசையமைத்துள்ளார்.
இந்நிலையில் இப்படம் ஹிந்திமொழி திணிப்பை மையமாக கொண்டு உருவாகி வருவதாக கூறப்படுகிறது.
இந்நிலையில், ‘பராசக்தி’ படத்தில் இருந்து பெர்ஸ்ட் சிங்கிள் மற்றும் டீசர் வெளியாகி படத்தின் மீதான எதிர்பார்ப்பை அதிகரிக்க செய்துள்ளது. ‘
அடி அலையே’, ‘ரத்னமாலா’ பாடல்கள் ரசிகர்களிடையே வரவேற்பை பெற்றது. இது ஜி.வி பிரகாஷ் இசையமைக்கும் 100ஆவது படம் என்பது குறிப்பிடத்தக்கது. படத்தின் இசை வெளியீட்டு விழா நேற்றுமுன்தினம் (3) நடைபெற்றது
‘பராசக்தி’ படத்தில் 60-களின் காலகட்டத்தைக் கொண்டு வர பயன்படுத்தப்பட்டகார்கள், ரயில், ரயில் நிலைய செட் மற்றும் அந்தக்கால பொருட்களை வைத்து, ‘பராசக்தி’ பட உலகை செட் மூலம் வள்ளுவர் கோட்டத்தில் உயிர்ப்பித்தனர்.
பொதுமக்கள் பார்வையிடும் வகையில் இது கண்காட்சியாக உருவாக்கப்பட்டுள்ளமையும் குறிப்பிடத்தக்கது.
