இங்கிலாந்தில் மளிகைப் பொருட்கள் தொடர்பான பணவீக்கம் 2026 மே 17 வரையிலான நான்கு வாரங்களில் 3.1 சதவீதமாகக் குறைந்துள்ளதாக நியூமரேட்டரின் வேர்ல்ட்பேனல் (Numerator Worldpanel) என்ற ஆய்வு நிறுவனம் இன்று (27) தெரிவித்துள்ளது.
கடந்த மாத அறிக்கையில் மளிகைப் பொருட்கள் தொடர்பான பணவீக்கம் 3.8% ஆக இருந்தது.
கடந்த ஆண்டுடன் ஒப்பிடுகையில் கடந்த நான்கு வாரங்களில் இங்கிலாந்தின் மளிகைப் பொருட்கள் விற்பனை 1.5% அதிகரித்துள்ளதாகவும் தரவுகள் காட்டுகின்றன.
நியூமரேட்டரின் வேர்ல்ட்பேனல் என்பது இங்கிலாந்தின் நுகர்வோர் சந்தை ஆய்வு மற்றும் தரவு பகுப்பாய்வு நிறுவனமாகும்.
மேலும் இது, எதிர்வரும் ஜூன் 17 அன்று வெளியாகவிருக்கும் அதிகாரப்பூர்வ இங்கிலாந்து பணவீக்கத் தரவுகளுக்கு முன்னதாக, மே மாதத்தில் உணவுப் பொருட்களின் விலையில் ஏற்படக்கூடிய அழுத்தங்கள் குறித்த ஒரு ஆரம்ப அறிகுறியையும் வழங்குகிறது.
இதேவேளை, சில்லறை விற்பனையாளர்களிடமிருந்து எழுந்த கடும் எதிர்ப்பைத் தொடர்ந்து, கடந்த வாரம் இங்கிலாந்து நிதி அமைச்சு, முட்டை, பாண் மற்றும் பால் போன்ற முக்கியப் பொருட்களுக்கு விலை உச்சவரம்பு விதிக்கும் திட்டத்திலிருந்து பின்வாங்கியது.
குடும்பங்களின் பட்ஜெட் மீதான அழுத்தத்தைக் குறைக்கும் நோக்கில், 100-க்கும் மேற்பட்ட உணவுப் பொருட்களின் இறக்குமதி வரிகளைக் குறைக்கவும் திட்டமிட்டுள்ளது.
