கிளாஸ்கோவில் நடைபெற்று வரும் 2026 பொதுநலவாய விளையாட்டுப் போட்டிகளில், ஆண்களுக்கான வட்டு எறிதல் (Discus Throw) F42-44/F61-64 பிரிவில் இலங்கையின் பாரா விளையாட்டு வீரர் பாலித பண்டார வெள்ளிப் பதக்கம் வென்றுள்ளார்.
இது நடைபெற்று வரும் இந்தப் போட்டிகளில் இலங்கை சார்பில் பெற்றுக் கொள்ளப்பட்ட முதல் பதக்கமாகும்.
பாலித பண்டார, வட்டு எறிதலில் 46.84 மீட்டர் தூரம் என்ற தனது தனிப்பட்ட சிறந்த சாதனையைப் பதிவு செய்து வெள்ளிப் பதக்கத்தை வென்றார்.
2022 பர்மிங்காமில் நடைபெற்ற முந்தைய போட்டியில் தனது முதல் பதக்கத்தை வென்றிருந்த இலங்கை இராணுவ வீரர், பொதுநலவாய விளையாட்டுப் போட்டிகளில் வென்ற இரண்டாவது பதக்கம் இதுவாகும்.
வேல்ஸின் அலெட் டேவிஸ் தங்கப் பதக்கத்தை வென்றார்.
அதேவேளையில், டிரினிடாட் மற்றும் டொபாகோவைச் சேர்ந்த அகீம் ஸ்டீவர்ட் வெண்கலப் பதக்கத்தைக் கைப்பற்றினார்.
ஆண்களுக்கான ஈட்டி எறிதல் போட்டியில் ருமேஷ் தரங்க மற்றும் சுமேத ரணசிங்க ஆகியோர் போட்டியிடவுள்ள நிலையில், வரும் நாட்களில் மேலும் பல பதக்கங்களை வெல்ல இலங்கை முயற்சிக்கும்.
ஸ்கொட்லாந்தின் தலைநகர் கிளாஸ்கோவில் ஜூலை 23 முதல் ஆகஸ்ட் 2 வரை நடைபெறும் 2026 பொதுநலவாய விளையாட்டுப் போட்டிகளின் இதுவரையான முடிவுகளின் அடிப்படையில் பதக்கப் பட்டியலில் அவுஸ்திரேலியா தொடர்ந்தும் முதலிடத்தில் உள்ளது.
அவுஸ்திரேலியா 47 தங்கம் பதக்கங்கள், 21 வெள்ளிப் பதக்கங்கள் மற்றும் 35 வெண்கலப் பதக்கங்கள் என மொத்தமாக 103 பதக்கங்களை கைப்பற்றியுள்ளமையும் குறிப்பிடத்தக்கது.
