இந்திய கிரிக்கெட் கட்டுப்பாட்டு வாரியத்தின் (BCCI) வருடாந்திரப் பொதுக்குழுக் கூட்டம் (AGM) எதிர்வரும் செப்டம்பர் 18 ஆம் திகதி மும்பையில் நடைபெறவுள்ளது.
இது குறித்த தகவல், செவ்வாய்க்கிழமையன்று பிசிசிஐயின் மாநிலச் சங்கங்களுக்கு அனுப்பப்பட்ட அதன் செயலாளர் தேவாஜித் சைகியாவின் அலுவலக அறிவிப்பின் மூலம் உறுதிப்படுத்தப்பட்டது.
வாரியத்தின் 95 ஆவது வருடாந்திரப் பொதுக்குழுக் கூட்டமான இது, பிசிசிஐ தலைமையகத்தில் நடைபெறவுள்ளது.
ஐபிஎல் (IPL) நிர்வாகக் குழுவிற்குப் பொதுக்குழுவின் இரண்டு பிரதிநிதிகளைத் தேர்ந்தெடுத்து நியமிப்பதும், இந்திய கிரிக்கெட் வீரர்கள் சங்கத்தின் ஒரு பிரதிநிதியை அக்குழுவில் இணைப்பதும் நிகழ்ச்சி நிரலின் முக்கிய அம்சங்களாகும்.
மேலும், 2025-26 நிதியாண்டிற்கான பிசிசிஐ-யின் தணிக்கை செய்யப்பட்ட கணக்குகள் மற்றும் 2026-27 நிதியாண்டிற்கான வருடாந்திர வரவு-செலவுத் திட்டம் ஆகியவை குறித்தும் இந்தக் கூட்டத்தில் விவாதிக்கப்படவுள்ளது.
இந்த ஆண்டுப் பொதுக் கூட்டத்தில், ஜூனியர் கிரிக்கெட் குழுவிற்கான நியமனங்கள் உறுதிப்படுத்தப்படும் என்றும் எதிர்பார்க்கப்படுகிறது.
இக்குழுவில் உள்ள ஐந்து இடங்களுக்கான விண்ணப்பங்களை பிசிசிஐ கோரியுள்ளது; இதற்கான விண்ணப்பங்களைச் சமர்ப்பிக்க செப்டம்பர் 5-ஆம் திகதி கடைசி நாளாக நிர்ணயிக்கப்பட்டுள்ளது.
தகுதி ஆய்வு மற்றும் தகுதியானோரைத் தேர்வு செய்யும் நடைமுறைகளுக்குப் பிறகு, நேர்காணல்கள் நடத்தப்பட்டு இந்த நியமனங்கள் மேற்கொள்ளப்படும்.
