இந்தியன் வெல்ஸ் மாஸ்டர்ஸ் டென்னிஸ் தொடர், டெய்லர் ஃபிரிட்ஸ் மற்றும் இகா ஸ்விடெக் ஆகியோரின் கைகளை சம்பியன் கிண்ணம் அலங்கரித்தவாறு இனிதே நிறைவுக்கு வந்துள்ளது.
ஆண்களுக்கான ஒற்றையர் பிரிவு இறுதிப் போட்டியில், அமெரிக்காவின் டெய்லர் ஃபிரிட்ஸ்சும், ஸ்பெயினின் முன்னணி வீரரான ரபேல் நடாலும் பலப்பரீட்சை நடத்தினர்.
பரபரப்பாக நடைபெற்ற இப்போட்டியில், டெய்லர் ஃபிரிட்ஸ், 6-3, 7-6 என்ற நேர் செட் கணக்குகளில் வெற்றிபெற்று சம்பியன் பட்டத்தை வென்றார்.
——————————————————————————————————————————————————————————–
இதேபோல பெண்களுக்கான ஒற்றையர் பிரிவு இறுதிப் போட்டியில், போலந்தின் இகா ஸ்விடெக்கும், கிரேக்கத்தின் மரியா சக்கரியும் மோதினர்.
விறுவிறுப்பாக நடைபெற்ற இப்போட்டியில், இகா ஸ்விடெக், 6-4, 6-1 என்ற நேர் செட் கணக்குகளில் வெற்றிபெற்று சம்பியன் கிண்ணத்தை வென்றார்.
