இங்கிலாந்து மற்றும் மேற்கிந்திய தீவுகள் அணிகளுக்கிடையிலான மூன்றாவது டெஸ்ட் போட்டியின், முதல்நாள் ஆட்டம் நிறைவுக்கு வந்துள்ளது.
இதன்படி முதலில் இன்னிங்ஸிற்காக துடுப்பெடுத்தாடிய இங்கிலாந்து அணி, நேற்றைய முதல்நாள் ஆட்டநேர முடிவில் அனைத்து விக்கெட்டுகளையும் இழந்து 204 ஓட்டங்களை பெற்றுக்கொண்டது.
நேற்று (வியாழக்கிழமை) க்ரெனடாவில் ஆரம்பமான இப்போட்டியில், நாணய சுழற்சியில் வெற்றிபெற்ற மேற்கிந்திய தீவுகள் அணி முதலில் களத்தடுப்பை தீர்மானித்தது.
இதன்படி முதலில் துடுப்பெடுத்தாடிய இங்கிலாந்து அணி, முதல் இன்னிங்ஸிற்காக 204 ஓட்டங்களை பெற்றுக்கொண்டது.
இதன்போது அணியின் அதிகப்பட்ச ஓட்டங்களாக, சகீப் மொஹமுத் 49 ஓட்டங்களையும் ஜெக் லீச் 41 ஓட்டங்களையும் பெற்றுக்கொண்டனர்.
மேற்கிந்திய தீவுகள் அணியின் பந்துவீச்சில், ஜெய்டன் சீல்ஸ் 3 விக்கெட்டுகளையும் கெமார் ரோச், கெய்ல் மேயர்ஸ், அல்சார்ரி ஜோசப் ஆகியோர் தலா 2 விக்கெட்டுகளையும் ஜெர்மைன் பிளக்வுட் 1 விக்கெட்டினையும் வீழ்த்தினர்.
இதனைத்தொடர்ந்து இன்று மேற்கிந்திய தீவுகள் அணி, பதிலுக்கு முதல் இன்னிங்சை தொடங்கவுள்ளது.
