பிரபல சம்பியன்ஸ் லீக் கால்பந்து தொடரின் நடப்பு சீசனில் இருந்து, பார்சிலோனா மற்றும் அட்லெடிகோ மெட்ரிட் அணிகள், குழு சுற்றுடன் வெளியேறுகின்றன.
குழு சுற்றின் 5ஆவது போட்டியில், குழு சி-யில் பார்சிலோனா 0-3 என்ற கோல்கள் கணக்கில் பேயர்ன் முனிச் அணியிடம் தோல்வியடைந்தது.
அதேபோல, குழு பி-யில் அட்லெடிகோ மெட்ரிட் மற்றும் லெவெர்குசன் அணிகள் மோதிய போட்டி 2-2 என்ற கோல்கள் கணக்கில் சமநிலையில் முடிவடைந்தது.
இந்த சுற்றில் இன்னும் ஒரு போட்டி மட்டுமே எஞ்சியிருக்கும் நிலையில், பார்சிலோனா, அட்லெடிகோ மெட்ரிட் அணிகள் இதுவரை 5 போட்டிகளில் ஒரேயொரு வெற்றியை மட்டுமே பதிவு செய்து தங்களது பிரிவில் 3ஆவது இடத்தில் உள்ளன.
இந்த அணிகள் இனி அடுத்த சுற்றுக்கு முன்னேற வாய்ப்பில்லை. ஒவ்வொரு பிரிவிலும் முதலிரு இடங்களைப் பிடிக்கும் அணிகளே அடுத்த சுற்றுக்குத் தகுதிபெறும்.
ஆகவே நடப்பு சீசனில் இருந்து, பார்சிலோனா மற்றும் அட்லெடிகோ மெட்ரிட் அணிகள், குழு சுற்றுடன் வெளியேறுகின்றன.
