மகளீர் உலக கிண்ண இருபதுக்கு 20 கிரிக்கட் தொடரில் அவுஸ்ரேலியா, தென்னாபிரிக்கா, இங்கிலாந்து மற்றும் இந்திய அணிகள் அரையிறுதிக்கு தகுதி பெற்றுள்ளன.
நேற்றைய தினம் பாகிஸ்தான் மகளீர் அணியை குழுநிலை போட்டியில் எதிர்கொண்ட இங்கிலாந்து அணி 114 ஓட்டங்களினால் வெற்றிபெற்று அரையிறுதிக்கு முன்னேறியது.
இப்போட்டியில் முதலில் துடுப்பெடுத்தாடிய இங்கிலாந்து அணி, 5 விக்கெட்களை இழந்து 213 ஓட்டங்களை பெற்றுக்கொள்ள பாகிஸ்தான் அணி 99 ஓட்டங்களை மட்டுமே பெற்று தோல்வியை தழுவியது.
இதனை தொடர்ந்து இடம்பெற்ற பங்களாதேஷ் அணிக்கு எதிரான போட்டியில் தென்னாப்பிரிக்கா அணி 10 விக்கெட்களால் வெற்றிபெற்று அரையிறுதிக்கு முன்னேறியது.
இப்போட்டியில் நாணய சுழற்சியில் வெற்றிபெற்று முதலில் களமிறங்கிய பங்களாதேஷ் மகளீர் அணி 113 ஓட்டங்களை எடுக்க பதிலுக்கு துடுப்பெடுத்தாடிய தென்னாப்பிரிக்கா அணி விக்கெட் இழப்பின்றி வெற்றி இலக்கை கடந்தது.
இந்நிலையில் நாளைய தினம் நடைபெறவுள்ள முதலாவது அரையிறுதி போட்டியில் அவுஸ்ரேலியா மற்றும் இந்திய மகளீர் அணிகள் மோதவுள்ளமை குறிப்பிடத்தக்கது.
