ஒரு நாள் உலகக் கிண்ண கிரிக்கெட் தொடரின் தகுதிச் சுற்றுப் போட்டியில் ஐக்கிய அரபு இராச்சியத்திற்கு அணிக்கு எதிரான ஆட்டத்தில் இலங்கை அணி 175 ஓட்டங்களினால் வெற்றி பெற்றுள்ளது.
நேற்று (19) இடம்பெற்ற இப்போட்டியில் முதலில் துடுப்பெடுத்தாடிய இலங்கை அணி நிர்ணயிக்கப்பட்ட 50 ஓவர்கள் முடிவில் 5 விக்கெட்டுகளை இழந்து 355 ஓட்டங்களைப் பெற்றது.
எனினும் ஐக்கிய அரபு இராச்சிய அணியினால் 39 ஓவர்கள் முடிவில் 180 ஓட்டங்களை மட்டுமே எடுக்க முடிந்தது. இதனால் 175 ஓட்டங்களினால் இலங்கை அணி வெற்றி பெற்றது.
இதன்போது பந்துவீச்சில் வனிது ஹசரங்க 24 ஓட்டங்களுக்கு 6 விக்கெட்டுகளை வீழ்த்தி, ஒருநாள் போட்டியில் தனது சிறந்த பந்துவீச்சை பதிவு செய்தார்.
இதேவேளை, ஒரு நாள் உலகக் கிண்ண கிரிக்கெட் தொடரின் தகுதிச் சுற்றுப்போட்டியில் நேற்று இடம்பெற்ற அயர்லாந்து அணிக்கெதிரான மற்றைய போட்டியில் ஓமான் அணி 5 விக்கெட்டுக்களால் வெற்றிபெற்றுள்ளது.
முதலில் துடுப்பெடுத்தாடிய அயர்லாந்து அணி நிர்ணயிக்கப்பட்ட 50 ஓவர்கள் முடிவில் 7 விக்கெட் இழப்பிற்கு 281 ஓட்டங்களைப் பெற்ற நிலையில், ஓமான் அணி 48.1 ஓவர்கள்முடிவில் 5 விக்கெட்டுகளை இழந்து வெற்றி இலக்கை கடந்தது.
