இந்த ஆண்டு இறுதியில் பங்களாதேஷில் ஆரம்பமாக உள்ள T 20 மகளிர் உலகக் கிண்ண கிரிக்கெட் போட்டிக்கு தகுதி பெறுவதற்கான ‘தகுதிப் போட்டி’ ஐக்கிய அரபு அமீரகத்தின் அபுதாபியில் இன்று நடைபெறவுள்ளது.
23 போட்டிகள் கொண்ட இந்த போட்டியில் இலங்கையுடன் 10 அணிகள் விளையாடவுள்ளன.
இதன் கீழ் இலங்கையின் முதலாவது போட்டி இன்று தாய்லாந்துக்கு எதிராக உள்ளூர் நேரப்படி பிற்பகல் 1.00 மணிக்கு இடம்பெறவுள்ளது.
ஆரம்பச் சுற்று ஆட்டங்களின் முடிவில் அந்தந்த குழுக்களில் புள்ளிகள் பட்டியலில் முன்னிலை வகிக்கும் இரு அணிகள் மட்டுமே அரையிறுதிக்கு தகுதி பெறும் வாய்ப்பைப் பெறும்.
மேலும் 9 ஆவது முறையாக நடைபெற்று வரும் மகளிர் இருபதுக்கு 20 உலகக் கோப்பை கிரிக்கெட் போட்டி இந்த ஆண்டு செப்டம்பர் மற்றும் ஒக்டோபர் மாதங்களில் பங்களாதேஷில் நடைபெற உள்ளமை குறிப்பிடத்தக்கது.
