பயிற்சி ஆட்டத்தில் நெதர்லாந்து அணி வெற்றி!

2024 சர்வதேச இருபதுக்கு 20 உலகக் கிண்ண கிரிக்கெட் தொடருக்கான பயிற்சி ஆட்டத்தின், இலங்கை அணியுடனான போட்டியில் நெதர்லாந்து அணி 20 ஓட்டங்களால் வெற்றியீட்டியது.

அமெரிக்காவின் லவ்டர்ஹில் மைதானத்தில் நேற்று நடந்த இந்தப் போட்டியில் நாணய சுழற்சியில் வெற்றி பெற்ற இலங்கை அணி முதலில் களத்தடுப்பை தெரிவு செய்தது.

அதற்கமைய, நெதர்லாந்து அணி 20 ஓவர்களில் 5 விக்கெட் இழப்பிற்கு 181 ஓட்டங்களை பெற்றுக்கொண்டது

182 ஓட்டங்கள் என்ற வெற்றி இலக்கை நோக்கி பதிலளித்தாடிய இலங்கை அணியால், 18.5 ஓவர்களில் சகல விக்கெட்களையும் இழந்து 161 ஓட்டங்களை மாத்திரமே பெற முடிந்தமை குறிப்பிடத்தக்கது.