இலங்கை மற்றும் மேற்கிந்தியத்தீவுகள் அணிகளுக்கு இடையிலான முதலாவது ஒருநாள் போட்டியானது இன்று கண்டி, பல்லேகல மைதானத்தில் பிற்பகல் 02.30 மணிக்கு ஆரம்பமாகவுள்ளது.
இலங்கைக்கு சுற்றுப் பயணம் மேற்கொண்டுள்ள மேற்கிந்தியத் தீவுகள் அணியானது இலங்கையுடன் இருபதுக்கு 20 மற்றும் ஒருநாள் கிரிக்கெட் தொடர்களில் விளையாடி வருகிறது.
இதில் முதலில் நடைபெற்று முடிந்த இருபதுக்கு 20 தொடரினை இலங்கை அணி, 2:0 என்ற கணக்கில் கைப்பற்றி இருந்த நிலையில் இன்று மூன்று போட்டிகள் ஒருநாள் தொடரின் முதல் போட்டி ஆரம்பகமாகவுள்ளது.
இலங்கை மற்றும் மேற்கிந்திய தீவுகள் அணிகள் இதுவரை 64 சர்வதேச ஒருநாள் போட்டிகளில் மோதியுள்ளன.
அதில் மேற்கிந்தியத்தீவுகள் அணி 31 போட்டிகளிலும், இலங்கை அணி 30 போட்டிகளிலும் வெற்றி பெற்றுள்ளமையும் குறிப்பிடத்தக்கது.
