தற்போது நேபாளத்தில் உள்ள மொத்தம் 109 இலங்கையர்கள் பாதுகாப்பாக இருப்பதாக வெளிவிவகாதர அமைச்சு உறுதிப்படுத்தியுள்ளது.
புதுப்பிப்புகளைப் பெறவும், தேவைப்படும் இடங்களில் இலங்கையர்களுக்கு உதவவும், காத்மாண்டுவில் உள்ள இலங்கைத் தூதரகம் மற்றும் பல சமூக உறுப்பினர்களுடன் தொடர்ந்து தொடர்பில் இருப்பதாக அமைச்சு சுட்டிக்காட்டியுள்ளது.
இதற்கிடையில், இந்தியாவில் இருந்து சாலை வழியாக லும்பினிக்கு பயணித்த 73 இலங்கை யாத்ரீகர்கள், இந்தியாவுக்குள் நுழையும் போது பாதுகாப்பாக எல்லையைக் கடந்துவிட்டதாகவும் அமைச்சு உறுதிபடுத்தியுள்ளது.
தேவையான நடைமுறைகளை விரைவுபடுத்துவதற்காக தூதரக அதிகாரிகள் நேபாள குடிவரவு அதிகாரிகளுடன் நேரடியாகப் பேச்சுவார்த்தை நடத்தினர்.
நேபாளத்தின் பாதுகாப்பு நிலைமையை நேபாள இராணுவம் தனது கட்டுப்பாட்டில் கொண்டு வந்துள்ளதாகவும், பொதுமக்கள் வீட்டிலேயே இருக்குமாறு அறிவுறுத்தல்களை பிறப்பித்துள்ளதாகவும் தூதரகம் மேலும் தெரிவித்துள்ளது.
நேபாளத்தில் நடந்து வரும் வன்முறை போராட்டங்களுக்கு மத்தியில், சாத்தியமான தாக்குதல்களில் இருந்து தங்களைப் பாதுகாத்துக் கொள்ள முன்னெச்சரிக்கை நடவடிக்கைகளை எடுத்துக்கொண்டு, வீட்டிலேயே இருக்குமாறு அறிவுறுத்தப்பட்டுள்ளது.
இலங்கை தூதரக அதிகாரிகளை +977 9851048653 என்ற தொலைபேசி எண்ணில் 24 மணி நேரமும் தொடர்பு கொள்ளலாம்.
நேபாளத்தின் நிலைமையை தொடர்ந்து கண்காணித்து வருவதாக வெளிவிவகார அமைச்சின் செய்தித் தொடர்பாளர் துஷாரா ரோட்ரிகோ தெரிவித்தார்.
