இப்பருவகாலத்திற்கான MOTORGP WORLD CHAMPIONSHIP தொடர் ஆரம்பமாகி நடைபெற்று வருகிறது.
22 கட்டங்களை கொண்டதாக இம்முறை போட்டிகள் நடைபெறுகின்றன.
அந்தவகையில் முதல் மூன்று போட்டிகளிலும் தொடர்ச்சியாக வெற்றியை பதிவு செய்து பெஸ்ஸகி இப்பருவகாலத்தில் முன்னிலையில் உள்ளார்.
நான்காவது கட்டப்போட்டியில் வெற்றியை பதிவு செய்து அசத்தினார் அலெக்ஸ் மார்க்கஸ்
இந்நிலையில் 5வது கட்டப்போட்டி பிரான்ஸில் இடம்பெற்றது.
27 சுற்றுக்களை கொண்டதாக அமைந்த இப்போட்டியில் ஆரம்பமே இம்முறை மார்க்கோ பெஸ்ஸக்கி சிறப்பாக செயற்பட்டு முன்னிலைப்பெற்றார். கொஸ்டா இரண்டாமிட்த்தை பெற்றுக்கொண்டார். கொடராலோ 3மிடத்தில் சென்றுக்கொண்டிருந்தார்.
9வது சுற்றில் வைத்து 4மிடத்திற்கான போட்டி சூடுபிடித்தது. மார்ட்டின் 4மிடத்தை கைப்பற்ற சிறப்பாக செயற்பட்டார்.
16வது சுற்றில் வைத்து இரண்டாமிடத்திலிந்த பன்யய்யா எதிர்பாராத வகையில் கட்டுப்பாட்டை இழந்து விபத்தை சந்தித்தார். இதனால் கொஸ்டா 2மிடத்தையும் மார்ட்டின் 3மிடத்திற்கும் முன்னேறினார்கள்,
21வது சுற்றில் வைத்து 2மிடத்திற்கு போட்டி சூடுபிடிக்க தொடங்கியது. சிறப்பாக செயற்பட்ட மார்ட்டின் இரண்டாமிடத்தை கைப்பற்றி அசத்தினார்.
அதேநேரம் 23வது சுற்றில் வைத்து 3மிடத்திற்கான போட்டி பரபரப்பாகியது. சுpறப்பாக செயற்பட்ட ஒகுரா கொஸ்டாவை பின்னுக்கு தள்ளி 3டத்தை கைப்பற்றினார்.
3சுற்றுக்களே எஞ்சியிருந்த நிலையில் பெஸ்ஸக்கியின் முதலிடத்தை ஆபத்து நெருங்கியது. மார்ட்டின் வேகத்தை அதிகரித்து சிறப்பாக செயங்பட்டார். அதற்கு ஏற்றாட்போல் அந்த இடத்தை கைப்பற்றி அசத்தினார். மார்ட்டின் முதலிடத்திலும் பெஸ்ஸக்கி இரண்டாமிடத்திலும் என போட்டி மாறியது. ஒரே அணியை சேர்ந்த இரு வீரர்களும் மாறி மாறி போட்டியிட்டுக்கொண்டனர்.
இறுதியில் 27 சுற்றுக்களையும் 41 நிமிடங்கள் 18 செக்கன்களில் ஓடி முடித்து இப்பருவகாலத்திற்கான முதல் வெற்றியையும் பிரான்ஸ் குரோன்ப்ரீயையும் கைப்பற்றி அசத்தினார் ஜோர்ஜ் மார்ட்டின். பெஸ்ஸக்கி இரண்டாமிடத்தை பெற்றுக்கொண்டார்.
