இப்பருவகாலத்திற்கான MOTORGP WORLD CHAMPIONSHIP தொடர் ஆரம்பமாகி நடைபெற்று வருகிறது.
22 கட்டங்களை கொண்டதாக இம்முறை போட்டிகள் நடைபெறுகின்றன.
16 கட்ட போட்டிகள் நிறைவடைந்துள்ள நிலையில் ஜோர்ஜ் மார்டின் இப்பருவகாலத்தில் முன்னிலையில் உள்ளார்.
மார்க் மார்க்கஸ் இரண்டாமிடத்தில் காணப்படுகிறார். பெஸ்ஸகி 4 வெற்றிகளை பதிவு செய்து 3மிடத்தில் காணப்படுகிறார்.
அலெக்ஸ் மார்க்கஸ், ஜியோன்டன்டோனியோ, ஒகுரோ மற்றும் பெர்னான்டஸ் ஆகியோர் ஒரு வெற்றியுடனும் போட்டியிட்டுக் கொண்டிருக்கின்றனர்.
இந்நிலையி;ல் 17வது கட்டப்போட்டி இந்தோனேசியாவின் மன்டலிகா சர்வதேச அரங்கில் நடைபெற்றது. 27 சுற்றுக்களை கொண்டதாக அமைந்த இப்போட்டியில் ஆரம்பமே முன்னனி வீரர்கள் முன்னிலைப்பெற போட்டியிட்டனர்.
ராவ் பெர்ணான்டஸ் சிறப்பாக செயற்பட்டு முதலிடத்தில் சென்றுக்கொண்டிருந்தார். பெஸ்ஸக்கி இரண்டாமிடத்திலும், மார்க்கஸ் 3மிடத்திலும் பயணித்தனர்.
3வது சுற்றில் வைத்து ஜோர்ஜ் மார்ட்டின் சிறப்பாக செயற்பட்டு மார்க்கஸை பின்னுக்கு தள்ளி 3மிடத்தை கைப்பற்றி அசத்தினார். மீண்டும் இருவருக்குமிடையில் ஒரு புள்ளி வித்தியாசம் காணப்பட்டது. இருவரும் 3மிடத்திற்காக கடுமையாக போட்டியிட்டுக்கொண்டனர்.
18வது சுற்றில் வைத்து சிறப்பாக செயற்பட்ட பெஸ்ஸக்கி மறுபுறம் முதலிடத்தை கைப்பற்றி தீவிர முயற்சியில் இறங்கினார். 18 சுற்றுக்கள் வரை முதலிடத்தை தக்க வைத்துக்கொண்ட ராவ் பெர்ணான்டஸ் 19வது சுற்றில் தடுமாற தொடங்கினார். கடும் சவாலாக விளங்கிய அந்த சுற்றில் பெஸ்ஸக்கி ராவ் பெர்ணான்டஸை பின்னுக்கு தள்ளி முதலிடத்தை கைப்பற்றினார். இதனால் தனது முதல் வெற்றியை அந்த தருணத்தில் ராவ் பெர்ணான்டஸ் தவறவிட்டார்.
9 சுற்றுக்களே எஞ்சியிருந்த நிலையில் அது பாரிய சவாலாக விளங்கியது. அதேநேரம் 15வது சுற்றில் வைத்து மார்க் மார்க்கசை பின்னுக்கு தள்ளி கொஸ்டா 4மிடத்தை கைப்பற்ற அது ஒட்டுமொத்த புள்ளிகள் அடிப்படையில் மார்ட்டினுக்கு சாதகமாக அமைந்தது.
இதனால் மார்க்கஸை விட ஒரு புள்ளி முன்னேறி மீண்டும் ஓட்டுமொத்த புள்ளிகள் அடிப்படையில் இப்பருவகாலத்தில் முதலிடத்திற்கு முன்னேறி அசத்தினார்.
20வது சுற்றில் வைத்து 4மிடத்திற்காக போட்டி சூடுபிடித்தது. மார்க்கஸ் 4மிடத்திற்கு முன்னேறி அசத்தினார். இருந்தும் கொஸ்டா சிம்ம சொப்பனமாக விளங்கினார்.
குறித்த இடத்தில் மாறி மாறி இருவரும் கைப்பற்றி அசத்தினார்கள். இந்நிலையில் மறுபுறம் 27 சுற்றுக்களையும் 40 நிமிடங்கள் 46 செக்கன்களில் ஓடி முடித்து இப்பருவகாலத்தில் தனது 5வது வெற்றியை பதிவு செய்து அசத்தினார் மார்கோ பெஸ்ஸக்கி,
ராவ் பெர்ணான்டஸ் 2மிடத்தையும் மார்ட்டின் 3மிடத்தையும் பெற்றுக்கொண்டனர். இது MOTORGP வரலாற்றில் இத்தாலிய வீரரின் 300வது வெற்றியாகவும் பதிவாகியது.
