அவுஸ்ரேலிய பகிரங்க டென்னிஸ் தொடரின், ஆண்களுக்கான ஒற்றையர் பிரிவு முதல் சுற்றுப் போட்டியில், முன்னணி வீரர்களான ரபேல் நடால் மற்றும் டேனில் மேட்வெடவ் ஆகியோர் வெற்றிபெற்றுள்ளனர்.
இதில் நடைபெற்ற ஆண்களுக்கான ஒற்றையர் பிரிவு முதல் சுற்றுப் போட்டியில், ஸ்பெயினின் முன்னணி வீரரான ரபேல் நடால், செர்பியாவின் லாஸ்லோ டீரெவை எதிர்கொண்டார்.
பரபரப்பாக நடைபெற்ற இப்போட்டியில், ரபேல் நடால், 6-3, 6-4, 6-1 என்ற நேர் செட் கணக்குகளில் வெற்றிபெற்று இரண்டாவது சுற்றுக்கு முன்னேறினார்.
…………
இன்னொரு ஆண்களுக்கான ஒற்றையர் பிரிவு முதல் சுற்றுப் போட்டியில், ரஷ்யாவின் டேனில் மேட்வெடவ், கனடாவின் வாசெக் பாஸ்பிசில்லுடன் மோதினார்.
விறுவிறுப்பாக நடைபெற்ற இப்போட்டியில், டேனில் மேட்வெடவ், 6-2, 6-2, 6-4 என்ற நேர் செட் கணக்குகளில் வெற்றிபெற்று இரண்டாவது சுற்றுக்குள் அடியெடுத்து வைத்தார்.
