இங்கிலாந்து அணிக்கெதிரான இரண்டாவது டெஸ்ட் போட்டியில், இந்தியக் கிரிக்கெட் அணி 317 ஓட்டங்களால் அபார வெற்றிபெற்றுள்ளது.
இந்த வெற்றியின் மூலம் நான்கு போட்டிகள் கொண்ட டெஸ்ட் தொடரை 1-1 என்ற கணக்கில் இந்தியக் கிரிக்கெட் அணி சமநிலைப்படுத்தியுள்ளது.
சென்னையில் கடந்த 13ஆம் திகதி ஆரம்பமான இப்போட்டியில், நாணய சுழற்சியில் வெற்றிபெற்ற இந்தியா அணி, முதலில் துடுப்பெடுத்தாட தீர்மானித்தது.
இதன்படி முதலில் களமிறங்கிய இந்தியா அணி, முதல் இன்னிங்ஸிற்காக 329 ஓட்டங்களை பெற்றுக்கொண்டது.
இதில் அணியின் அதிகப்பட்ச ஓட்டங்களாக, ரோஹித் சர்மா 161 ஓட்டங்களையும் ரஹானே 67 ஓட்டங்களையும் பெற்றுக்கொண்டனர்.
இங்கிலாந்து அணியின் பந்துவீச்சில், மொயீன் அலி 4 விக்கெட்டுகளையும் ஒலீ ஸ்டோன் 3 விக்கெட்டுகளையும் ஜெக் லீச் 2 விக்கெட்டுகளையும் ரூட் 1 விக்கெட்டினையும் வீழ்த்தினர்.
இதனைத்தொடர்ந்து பதிலுக்கு முதல் இன்னிங்சை தொடங்கிய இங்கிலாந்து அணி, 134 ஓட்டங்களுக்கு சுருண்டது.
இதன்போது அணியின் அதிகப்பட்ச ஓட்டங்களாக, பென் போக்ஸ் ஆட்டமிழக்காது 42 ஓட்டங்களையும் ஒலீ போப் 22 ஓட்டங்களையும் பெற்றுக்கொண்டனர்.
இந்திய அணியின் பந்துவீச்சில், அஸ்வின் 5 விக்கெட்டுகளையும் இசாந் சர்மா மற்றும் அக்ஸர் பட்டேல் 2 விக்கெட்டுகளையும் சிராஜ் 1 விக்கெட்டினையும் வீழ்த்தினர்.
இதனையடுத்து 195 ஓட்டங்கள் முன்னிலையில் தனது இரண்டாவது இன்னிங்சை தொடங்கிய இந்தியா அணி, இரண்டாவது இன்னிங்ஸிற்காக 286 ஓட்டங்களை பெற்றுக்கொண்டது. இதன்படி இங்கிலாந்து அணிக்கு இந்தியா 482 ஓட்டங்களை வெற்றி இலக்காக நிர்ணயித்தது.
இதில் இந்தியா அணி சார்பில், அஸ்வின் 106 ஓட்டங்களையும் விராட் கோஹ்லி 62 ஓட்டங்களையும் பெற்றுக்கொண்டனர்.
இங்கிலாந்து அணியின் பந்துவீச்சில், ஜெக் லீச் மற்றும் மொயின் அலி ஆகியோர் தலா 4 விக்கெட்டுகளையும் ஒலீ ஸ்டோன் 1 விக்கெட்டினையும் வீழ்த்தினர்.
இதனைத்தொடர்ந்து 482 என்ற வெற்றி இலக்கை நோக்கி களமிறங்கிய இங்கிலாந்து அணி, 164 ஓட்டங்களுக்குள் சுருண்டது. இதனால் இந்தியக் கிரிக்கெட் அணி 317 ஓட்டங்களால் வெற்றிபெற்றது.
இதன்போது அணியின் அதிகப்பட்ச ஓட்டங்களாக, மொயின் அலி 43 ஓட்டங்களையும் ஜோ ரூட் 33 ஓட்டங்களையும் பெற்றுக்கொண்டனர்.
இந்திய அணியின் பந்துவீச்சில், அக்ஸர் பட்டேல் 5 விக்கெட்டுகளையும் அஸ்வின் 3 விக்கெட்டுகளையும் குல்தீப் யாதவ் 2 விக்கெட்டுகளையும் வீழ்த்தினர்.
இப்போட்டியின் ஆட்டநாயகனாக, முதல் இன்னிங்ஸில் 5 விக்கெட்டுகள் இரண்டாவது இன்னிங்ஸில் 3 விக்கெட்டுகள் என மொத்தமாக 8 விக்கெட்டுகளையும் 106 ஓட்டங்களையும் அடித்த அஸ்வின் தெரிவுசெய்யப்பட்டார்.
இரு அணிகளுக்கிடையிலான மூன்றாவது டெஸ்ட் போட்டி, பெப்ரவரி 24ஆம் திகதி அஹமதாபாத்தில் நடைபெறவுள்ளது.
