துருக்கி நாடாளுமன்றத்துக்குள் உள்ளிருப்பு போராட்டத்தில் ஈடுபட்ட குர்திஷ் ஆதரவு கட்சியான மக்கள் ஜனநாயக கட்சியைச் (ஹெச்டிபி) சேர்ந்த ஒமர் ஃபரூக் கெர்கெர்லியோகுலு கைதுசெய்யப்பட்டுள்ளார்.
ஏறக்குறைய 100க்கும் மேற்பட்ட பொலிஸார், ஒமர் ஃபரூக்கை வலுக்கட்டாயமாக கைது செய்து அழைத்து சென்றதாக ஹெச்டிபி கட்சியின் அறிக்கையில் தெரிவிக்கப்பட்டுள்ளது.
இஸ்லாமிய மனித உரிமை கூட்டமைப்பின் முன்னாள் தலைவரான ஒமர் துருக்கியில் நடைபெற்று வரும் பல்வேறு மனித உரிமை மீறல் சம்பவங்களை வெளி உலகுக்கு தெரியப்படுத்தியவர் ஆவார்.
துருக்கியில் எதிர்க்கட்சி வரிசையில் உள்ள ஒமரின் ஹெச்டிபி இரண்டாவது பெரிய அரசியல் கட்சியாக உள்ளது.
இந்த கட்சிக்கு கடந்த 2018ஆம் ஆண்டு நடைபெற்ற தேர்தலில் 58 லட்சத்துக்கும் அதிகமான வாக்குகளைப் பெற்றமை குறிப்பிடத்தக்கது.
