பர்முயுலா-1 கார்பந்தயத்தின் ஸ்பானிஷ் கிராண்ட் பிரிக்ஸ் சுற்றில், நடப்பு சம்பியனான மெர்சிடஸ் பென்ஸ் அணியின் லீவிஸ் ஹெமில்டன், முதலிடம் பெற்றுள்ளார்.
ஒவ்வொரு ஆண்டும் ‘பார்முலா 1’ கார் பந்தயம், 23 சுற்றுகளாக நடைபெறும். ஒவ்வொரு சுற்றும் ஒவ்வொரு நாடுகளில் நடைபெறும்.
இதன்படி, நடப்பு ஆண்டின் நான்காவது சுற்றான ஸ்பானிஷ் கிராண்ட் பிரிக்ஸ், நேற்று பார்சிலோனா- கட்டலோனியா ஓடுதளத்தில் நடைபெற்றது.
இதில் 308.424 கிலோ மீட்டர் பந்தய தூரத்தை நோக்கி, 10 அணிகளை சேர்ந்த 20 வீரர்கள் காரில் சீறிப்பாய்ந்தனர்.
இதில் நடப்பு சம்பியனான மெர்சிடஸ் பென்ஸ் அணியின் லீவிஸ் ஹெமில்டன், பந்தய தூரத்தை 1 மணித்தியாலம் 33 நிமிடங்கள் 07.680 வினாடிகளில் இலக்கை கடந்து முதலிடத்தை பிடித்தார். இதற்காக அவருக்கு 25 புள்ளிகள் வழங்கப்பட்டது.
அவரை விட 15.841 வினாடிகள் பின்தங்கிய நிலையில், பந்தய தூரத்தை கடந்த, ரெட்புல் அணியின் வீரரான மேக்ஸ் வெர்ஸ்டபேன்;, இரண்டாவது இடத்தை பெற்றார். அத்தோடு அவர், இரண்டாம் இடத்திற்கான 19 புள்ளிகளையும் பெற்றுக் கொண்டார்.
26.610 வினாடிகள் பின்தங்கிய நிலையில், பந்தய தூரத்தை கடந்த மெர்சிடஸ் பென்ஸ் அணியின் மற்றொரு வீரரான வால்டெரி போட்டாஸ் மூன்றாவது இடத்தை பிடித்தார். அதற்கு அவருக்கு 15 புள்ளிகள் வழங்கப்பட்டது.
இதுவரை நடைபெற்று முடிந்துள்ள நான்கு சுற்றுகளின் முடிவில், லீவிஸ் ஹெமில்டன் மூன்று வெற்றிகளுடன் 94 புள்ளிகளுடன் முதலிடத்தில் உள்ளார்.
இதற்கு அடுத்தப்படியாக மேக்ஸ் வெர்ஸ்டபேன்ஒரு வெற்றியுடன் 80 புள்ளிகளுடன் இரண்டாவது இடத்திலும், வால்டெரி போட்டாஸ் 47 புள்ளிகளுடன் மூன்றாவது இடத்திலும் உள்ளனர்.
அடுத்த ஐந்தாவது சுற்றான மோனோகோ கிராண்ட் பிரிக்ஸ், எதிர்வரும் 23ஆம் திகதி, மோனோகோ சர்வதேச ஓடுதளத்தில் நடைபெறவுள்ளது.
