விம்பிள்டன் பகிரங்க டென்னிஸ்: இரண்டாவது சுற்றுப் போட்டிகளின் முடிவுகள்!

ஆண்டின் மூன்றாவது கிராண்ட்ஸ்லாம் அந்தஸ்து பெற்ற, விம்பிள்டன் பகிரங்க டென்னிஸ் தொடர் விறுவிறுப்பாக நடைபெற்று வருகின்றது.

உலகில் மிகவும் பழமையான இந்த தொடர், புற்தரையில் நடைபெறும் சிறப்பு மிக்க தொடராகும்.

ஆண்கள்- பெண்கள் என இரு பிரிவினருக்கும் நடைபெறும் இத்தொடரில், மொத்தம் நான்கு பிரிவுகளில் போட்டிகள் நடைபெறுகின்றன.

இதன்படி தற்போது நடைபெற்றுவரும் ஆண்களுக்கான ஒற்றையர் பிரிவு, இரண்டாவது சுற்றுப் போட்டிகளின் முடிவுளை பார்க்கலாம்,

1. ஆண்களுக்கான ஒற்றையர் பிரிவு இரண்டாவது சுற்றுப் போட்டியில், பிரித்தானியாவின் என்டி முர்ரே, ஜேர்மனியின் ஒஸ்கார் ஓட்டேவை எதிர்கொண்டார்.

பரபரப்பாக நடைபெற்ற இப்போட்டியில், என்டி முர்ரே, 6-3, 4-6, 4-6, 6-4, 6-2 என்ற செட் கணக்குகளில் வெற்றிபெற்று மூன்றாவது சுற்றுக்கு முன்னேறினார்.

2. ஆண்களுக்கான ஒற்றையர் பிரிவு இரண்டாவது சுற்றுப் போட்டியில், செர்பியாவின் நோவக் ஜோகோவிச், தென்னாபிரிக்காவின் கெவீன் பீட்டசனுடன் பலப்பரீட்டசை நடத்தினார்.

விறுவிறுப்பாக நடைபெற்ற இப்போட்டியில், ஜோகோவிச், 6-3, 6-3, 6-3 என்ற நேர் செட் கணக்குகளில் வெற்றிபெற்று மூன்றாவது சுற்றுக்கு தகுதிபெற்றார்.

3. இதேபோல பெண்களுக்கான ஒற்றையர் பிரிவு இரண்டாவது சுற்றுப் போட்டியில், நெதர்லாந்தின் லெஸ்லி பட்டினாமா கெர்கோவ்வும் ஸ்பெயினின் கர்பீன் முகுருசாவும் பலப்பரீட்சை நடத்தினர்.

எதிர்பார்ப்பு மிக்க இப்போட்டியில், கர்பீன் முகுருசா, 6-1, 6-4 என்ற நேர் செட் கணக்குகளில் வெற்றிபெற்று மூன்றாவது சுற்றுக்குள் நுழைந்தார்.

4. பெண்களுக்கான ஒற்றையர் பிரிவு இரண்டாவது சுற்றுப் போட்டியில், அமெரிக்காவின் வீனஸ் வில்லியம்ஸ், துனிசியாவின் ஒன்ஸ் ஜாபூருடன் மோதினார்.

இப்போட்டியில், ஒன்ஸ் ஜாபூர் 7-6, 6-0 என்ற நேர் செட் கணக்குகளில் வெற்றிபெற்று மூன்றாவது சுற்றுக்குள் அடியெடுத்து வைத்தார்.