ஆண்டின் மூன்றாவது கிராண்ட்ஸ்லாம் அந்தஸ்து பெற்ற, விம்பிள்டன் பகிரங்க டென்னிஸ் தொடர் விறுவிறுப்பாக நடைபெற்று வருகின்றது.
உலகில் மிகவும் பழமையான இந்த தொடர், புற்தரையில் நடைபெறும் சிறப்பு மிக்க தொடராகும்.
ஆண்கள்- பெண்கள் என இரு பிரிவினருக்கும் நடைபெறும் இத்தொடரில், மொத்தம் நான்கு பிரிவுகளில் போட்டிகள் நடைபெறுகின்றன.
இதன்படி தற்போது நடைபெற்றுவரும் ஆண்களுக்கான ஒற்றையர் பிரிவு, மூன்றாவது சுற்றுப் போட்டிகளின் முடிவுகளை பார்க்கலாம்,
1. ஆண்களுக்கான ஒற்றையர் பிரிவு மூன்றாவது சுற்றுப் போட்டியில், ரஷ்யாவின் டேனில் மெட்வேடவ், குரேஷியாவின் மரின் சிலிச்சுடன் மோதினார்.
பரபரப்பாக நடைபெற்ற இப்போட்டியில், டேனில் மெட்வேடவ், 6-7, 3-6, 6-3, 6-3, 6-2 என்ற செட் கணக்குகளில் வெற்றிபெற்று நான்காவது சுற்றுக்கு முன்னேறினார்.
2. ஆண்களுக்கான ஒற்றையர் பிரிவு மூன்றாவது சுற்றுப் போட்டியில், சுவிஸ்லாந்தின் ரோஜர் பெடரர், பிரித்தானியாவின் கமரூன் நோரியை எதிர்கொண்டார்.
விறுவிறுப்பாக நடைபெற்ற இப்போட்டியில், ரோஜர் பெடரர், 6-4, 6-4, 5-7, 6-4 என்ற செட் கணக்குகளில் வெற்றிபெற்று நான்காவது சுற்றுக்கு தகுதிபெற்றார்.
3. ஆண்களுக்கான ஒற்றையர் பிரிவு மூன்றாவது சுற்றுப் போட்டியில், ஜேர்மனியின் அலெக்ஸாண்டர் ஸ்வெரவ், அமெரிக்காவின் டெய்லர் பிரிட்ஸ்சுடன் பலப்பரீட்சை நடத்தினார்.
எதிர்பார்ப்பு மிக்க இப்போட்டியில், அலெக்ஸாண்டர் ஸ்வெரவ், 6-7, 6-4, 6-3, 7-6 என்ற செட் கணக்குகளில் வெற்றிபெற்று நான்காவது சுற்றுக்குள் நுழைந்தார்.
4. இதேபோல பெண்களுக்கான ஒற்றையர் பிரிவு மூன்றாவது சுற்றுப் போட்டியில், அவுஸ்ரேலியாவின் ஆஷ்லே பார்டி, செக்குடியரசின் கட்டரினா சினியாகோவாவுடன் மோதினார்.
இப்போட்டியில் ஆஷ்லே பார்டி, 6-3, 7-5 என்ற நேர் செட் கணக்குகளில் வெற்றிபெற்று நான்காவது சுற்றுக்கு முன்னேறினார்.
5. பெண்களுக்கான ஒற்றையர் பிரிவு மூன்றாவது சுற்றுப் போட்டியில், அமெரிக்காவின் கோகோ கோஃப், ஸ்லோவேனியாவின் கஜா ஜுவனுடன் பலப்பரீட்சை நடத்தினார்.
விறுவிறுப்பாக நடைபெற்ற இப்போட்டியில், 6-3, 6-3 என்ற நேர் செட் கணக்குகளில் வெற்றிபெற்று கோகோ கோஃப், நான்காவது சுற்றுக்குள் நுழைந்தார்.
6. பெண்களுக்கான ஒற்றையர் பிரிவு மூன்றாவது சுற்றுப் போட்டியில், ஜேர்மனியின் ஏஞ்சலிக் கெர்பர், பெலராஸின் அலியாக்சந்திர சாஸ்னோவிச்சுடன் மோதினார்.
பரபரப்பாக நடைபெற்ற இப்போட்டியில், ஏஞ்சலிக் கெர்பர் 2-6, 6-0, 6-1 என்ற செட் கணக்குகளில் வெற்றிபெற்று நான்காவது சுற்றுக்கு தகுதிபெற்றார்.
