பர்முயுலா-1 கார்பந்தயத்தின் ஹங்கேரியன் கிராண்ட் பிரிக்ஸ் சுற்றில், அல்பைன் அணியின் வீரரான எஸ்டெபன் ஓகான் முதலிடம் பிடித்துள்ளார்.
ஒவ்வொரு ஆண்டும் ‘பார்முலா 1’ கார் பந்தயம், 23 சுற்றுகளாக நடைபெறும். ஒவ்வொரு சுற்றும் ஒவ்வொரு நாடுகளில் நடைபெறும்.
இதன்படி, நடப்பு ஆண்டின் ஹங்கேரியன் கிராண்ட் பிரிக்ஸ், நேற்று ஹன்கரோறிங் சர்வதேச ஓடுதளத்தில் நடைபெற்றது.
இதில் 306.63 கிலோ மீட்டர் பந்தய தூரத்தை நோக்கி, 10 அணிகளை சேர்ந்த 20 வீரர்கள் காரில் சீறிப்பாய்ந்தனர்.
இதில் அல்பைன் அணியின் வீரரான எஸ்டெபன் ஓகான்;, பந்தய தூரத்தை 2 மணித்தியாலங்கள் 4 நிமிடங்கள் 43.199 வினாடிகளில் இலக்கை கடந்து முதலிடத்தை பிடித்தார். இதற்காக அவருக்கு 25 புள்ளிகள் வழங்கப்பட்டது.
அவரை விட 1.858 வினாடிகள் பின்தங்கிய நிலையில், பந்தய தூரத்தை கடந்த, அஸ்டன் மார்டின் அணியின் வீரரான செபஸ்டியன் வெட்டல், இரண்டாவது இடத்தை பெற்றார். அத்தோடு அவர், இரண்டாம் இடத்திற்கான 18 புள்ளிகளையும் பெற்றுக் கொண்டார்.
2.736 வினாடிகள் பின்தங்கிய நிலையில், பந்தய தூரத்தை கடந்த, மெசிடஸ் பென்ஸ் அணியின் வீரரான லீவிஸ் ஹெமில்டன் மூன்றாவது இடத்தை பிடித்தார். அதற்கு அவருக்கு 15 புள்ளிகள் வழங்கப்பட்டது.
இதுவரை நடைபெற்று முடிந்துள்ள பதினொன்று சுற்றுகளின் முடிவில், லீவிஸ் ஹெமில்டன் நான்கு வெற்றிகளுடன் 192 புள்ளிகளுடன் முதலிடத்தில் உள்ளார்.
ரெட் புல் அணியின் மேக்ஸ் வெர்ஸ்டபேன் ஐந்து வெற்றிகளுடன் 186 புள்ளிகளுடன் இரண்டாவது இடத்தில் உள்ளார்.
இதற்கு அடுத்தப்படியாக மெக்லரன் அணியின் லெண்டோ நோரிஸ், 113 புள்ளிகளுடன் மூன்றாவது இடத்தில் உள்ளார்.
அடுத்த பனிரென்டாவது சுற்றான பெல்ஜியன் கிராண்ட் பிரிக்ஸ், எதிரவரும்; 29ஆம் திகதி, ஸ்பா-ஃபிராங்கார்சம்ப்ஸ் சர்வதேச ஓடுதளத்தில் நடைபெறவுள்ளது.
