பிரித்தானியாவில் செப்டம்பர் மாதத்திற்கு பிறகு நாளொன்றுக்கான கொரோனா வைரஸ் (கொவிட்-19) பெருந் தொற்று பாதிப்பு அதிகரித்துள்ளது.
இதன்படி கடந்த 24 மணித்தியாலத்தில் வைரஸ் தொற்றினால், 40ஆயிரத்து 701பேர் பாதிக்கப்பட்டுள்ளதோடு 122பேர் உயிரிழந்துள்ளனர்.
கடந்த செப்டம்பர் மாத ஆரம்பத்தில் பிரித்தானியாவில் நாளொன்றுக்கான கொவிட் தொற்று பாதிப்பு 40ஆயிரம் என்ற அளவில் நகர்ந்தது. இடைப்பட்ட காலத்தில் தொற்று பாதிப்பு குறைந்துவந்த நிலையில் தற்போது மீண்டும் அதிகரித்துள்ளது.
உலகளவில் கொவிட்-19 தொற்றினால் அதிக பாதிப்பினை எதிர்கொண்ட நான்காவது நாடாக விளங்கும் பிரித்தானியாவில், இதுவரை மொத்தமாக 80இலட்சத்து 46ஆயிரத்து 390பேர் பாதிக்கப்பட்டுள்ளனர். மேலும், ஒரு இலட்சத்து 37ஆயிரத்து 417பேர் உயிரிழந்துள்ளனர்.
தற்போதுவரை வைரஸ் தொற்றினால் பாதிக்கப்பட்ட 13இலட்சத்து 48ஆயிரத்து 290பேர் அங்குள்ள மருத்துவமனைகளில் சிகிச்சை பெற்று வருகின்றனர். இதில் 807பேரின் நிலை கவலைக்கிடமாக உள்ளது.
அத்துடன் வைரஸ் தொற்றிலிருந்து மொத்தமாக 65இலட்சத்து 60ஆயிரத்து 683பேர் பூரண குணமடைந்து வீடு திரும்பியுள்ளனர்.
