ரி-10 தொடரின் 17ஆவது லீக் போட்டியில், பங்களா டைகர்ஸ் அணி 10 ஓட்டங்களால் வெற்றிபெற்றுள்ளது.
அபுதாபியில் நேற்று (வெள்ளிக்கிழமை) நடைபெற்ற இப்போட்டியில், பங்களா டைகர்ஸ் அணியும் அபுதாபி அணியும் மோதின.
இப்போட்டியில் நாணய சுழற்சியில் வெற்றிபெற்ற அபுதாபி அணி, முதலில் களத்தடுப்பை தீர்மானித்தது.
இதன்படி முதலில் துடுப்பெடுத்தாடிய பங்களா டைகர்ஸ் அணி, நிர்ணயிக்கப்பட்ட 10 ஓவர்கள் நிறைவில், 5 விக்கெட்டுகள் இழப்புக்கு 130 ஓட்டங்களை பெற்றுக்கொண்டது.
இதில் அணியின் அதிகப்பட்ச ஓட்டங்களாக, வில் ஜெக்ஸ் 43 ஓட்டங்களையும் ஹஸ்ரதுல்லா ஷசாய் 41 ஓட்டங்களையும் பெற்றுக்கொண்டனர்.
பங்களா டைகர்ஸ் அணியின் பந்துவீச்சில், அஹமட் டேனியல், டி லேன்ஞ், லிவிங்ஸ்டன், பிரிக்ஸ் மற்றும் நவீன் உல் ஹக் ஆகியோர் தலா 1 விக்கெட்டினை வீழ்த்தினர்.
இதனைத்தொடர்ந்து 131 என்ற வெற்றி இலக்கை நோக்கி பதிலுக்கு களமிறங்கிய அபுதாபி அணியால், நிர்ணயிக்கப்பட்ட 10 ஓவர்கள் நிறைவில், 7 விக்கெட்டுகள் இழப்புக்கு 120 ஓட்டங்களை மட்டுமே பெற முடிந்தது. இதனால், பங்களா டைகர்ஸ் அணி 10 ஓட்டங்களால் வெற்றிபெற்றது.
இதன்போது அணியின் அதிகப்பட்ச ஓட்டங்களாக, கிறிஸ் கெய்ல் ஆட்டமிழக்காது 52 ஓட்டங்களையும் லியாம் லிவிங்ஸ்டன் 20 ஓட்டங்களையும் பெற்றுக்கொண்டனர்.
பங்களா டைகர்ஸ் அணியின் பந்துவீச்சில், ஜேம்ஸ் போல்க்னர் மற்றும் பெனி ஹொவ்ல் ஆகியோர் தலா 2 விக்கெட்டுகளையும் மொஹமட் ஆமிர், லுக் வுட் மற்றும் இசுரு உதான ஆகியோர் தலா 1 விக்கெட்டினை வீழ்த்தினர்.
இப்போட்டியின் ஆட்டநாயகனாக, இரண்டு விக்கெட்டுகளை சாய்த்த ஜேம்ஸ் போல்க்னர் தெரிவுசெய்யப்பட்டார்.
